اسلام آباد( ویب ڈیسک،خبرایجنسی ) عالمی مالیاتی فنڈ ( آئی ایم ایف) نے نگران حکومت کو 200 یونٹس تک کے صارفین کو
ریلیف دینے سے منع کردیاہے ۔
عالمی مالیاتی فنڈ (آئی ایم ایف) نے بجلی کے واجبات کی عدم ادائیگی پر تشویش کا اظہار کرتے ہوئے نگران حکومت کو بجلی بلوں میں بڑے ریلیف سے روک دیا ہے اور کہا کہ بجلی بلوں میں ریلیف دیا توسرکلر ڈیٹ کم نہیں ہوگا۔
آئی ایم ایف نے 200 یونٹس تک صارفین کیلئے بجلی ریٹ میں ریلیف سے منع کیا ہے ۔ ، بجلی کے 200 یونٹس تک ریلیف کو صرف بلز کی ادائیگی موخر کرنے کا وقتی ریلیف ملے گا، بجلی کے 200 یونٹس تک بلز کی ادائیگی مو¿خر ہونے پر 10 فیصد سرچارج عائدنہیں ہوگا۔ کم از کم چھ ماہ تک 200 یونٹس سے کم استعمال کرنے والوں کو ریلیف ملے گا، چھ ماہ میں ایک بار بھی 200 یونٹس سے زیادہ کا بل آیا تو ریلیف نہیں ملے گا۔ تاہم بجلی کے 200 یونٹس سے زائد والے تمام طرح کے ریلیف سے محروم ہوگئے۔