لاہور (ویب ڈیسک ،خبر ایجنسی ) پاکستان مسلم لیگ (ن) کی سینئر نائب صدر اورچیف آرگنائزر مریم نواز شریف نے کہا ہے کہ محمد نوازشریف

کی واپسی بحرانوں کی سیاہ تاریک رات میں گھرے پاکستان کیلئے طلوع سحر ہے۔پاکستان کا بیٹا ایک بار پھر قوم اور وطن کو مشکلات سے نکالنے میں تاریخی کردار ادا کرنے آرہا ہے
ن خیالات کا اظہار مریم نواز نے گزشتہ روز پارٹی کے سابق ارکان قومی وصوبائی اسمبلی، پارٹی ٹکٹ ہولڈرز کے مشاورتی اجلاس سے خطاب کرتے ہوئے کیا۔۔نوازشریف اپنے ریلیف کے لئے نہیں بلکہ قوم کو مہنگائی، معاشی بدحالی اور لاقانونیت کی تکلیف سے نجات دلانے آرہا ہے۔ملک کو انتقام نہیں، اتحاد، امن، معاشی ترقی، غریبوں کو مہنگائی سے نجات کا ایجنڈا چاہیے، نوازشریف اسی ایجنڈے پر کام کریں گے۔
انہوں نے کہا کہ عوام نوازشریف کو دوتہائی سے زیادہ مینڈیٹ دیں ، وعدہ ہے معاشی بدحالی، مہنگائی، بے روزگاری کے سیاہ اندھیرے ہمیشہ کے لئے ختم کردیں گے، پارٹی رہنماﺅں اور کارکنان کے جذبے کو خراج تحسین پیش کرتی ہوں، تین دفعہ عوام نے محمد نوازشریف پر اعتماد کیا، انہیں وزیراعظم بنا کر ملک کی خدمت کا موقع دیا، نوازشریف نے عوام سے کئے ہر وعدے کو پورا کیا، نواز شریف ہمیشہ عوام کے اعتماد پر پورا اترا اور ہر بار ملک کو بدترین بحرانوں سے نکالا۔ اِنشاءاللہ پھر نکالیں گے، ہر غم سہہ کر بھی نوازشریف کی ترجیح آج بھی عوام اور ملک کی ترقی وخوش حالی ہے۔
ا انہوں نے کہا کہ ملک کو انتقام نہیں، اتحاد، امن، معاشی ترقی، غریبوں کو مہنگائی سے نجات کا ایجنڈا چاہئے۔نوازشریف اسی ایجنڈے پر کام کریں گے، تاریخ گواہ ہے کہ محمد نوازشریف کو ہمیشہ بحرانوں، طوفانوں اور خساروں میں گھرا ملک ملا، اللہ تعالیٰ پر کامل بھروسے، محنت اور خلوص نیت سے پاکستان مسلم لیگ ن نے ہمیشہ طوفانوں کا منہ پھیرا ہے۔
مریم نواز نے کہا کہ پوری قوم کو دہشت گردی کے خلاف ایک بیانیے پر نوازشریف نے متحد کیا، مہنگائی کی کمر توڑی، پاکستان کی معاشی ترقی کی شرح 6.1 فیصد کی۔پورے خطے میں پاکستان سب سے تیز ترین معاشی ترقی کررہا تھا، نوازشریف ایک بار پھر قوم اور ملک کو اِن بحرانوں سے نکالیں گے۔