اسلام آباد( ویب ڈیسک )ادارہ شماریات نے ماہانہ مہنگائی کے اعدادوشمار جاری کردئیے ہیں ۔ ایک ماہ میں مہنگائی میں 3.46 فیصد کا اضافہ ہوگیاہے ۔

مہنگائی کی مجموعی شرح 28.31 فیصد تک پہنچ گئی۔ ادارہ شماریات کے مطابق شہری علاقوں میں مہنگائی کی شرح میں 3.57 فیصد کا اضافہ ہوگیا ۔
دیہی علاقوں میں مہنگائی کی شرح میں 3.30 فیصد کا اضافہ ہوا،ایک سال میں سگریٹ کی قیمت میں 123.46 فیصد کا اضافہ ہوا ہے،ایک سال میں آٹا 102.43 فیصد کا اضافہ ہوا،چائے 97.26 فیصد، چاول 68.87 فیصد اور گندم 66.58 فیصد مہنگی ہوئی ہے ۔
ایک سال میں آلو 60.66 فیصد، مرغی 58.13 فیصد اور چینی 56.45 فیصد مہنگی ہوئی،گوشت، دالیں، تازہ دودھ، تازہ سبزیاں، کوکنگ آئل اور بیسن مہنگی ہونے والی اشیاءمیں شامل ہیں۔ایک ماہ بجلی 39.88 فیصد اور ٹرانسپورٹ سروس کی قیمتوں میں 4.01 فیصد کا اضافہ ہوا ہے۔