دبئی (اسپورٹس ڈیسک)ایشین کرکٹ کونسل(اے سی سی) کے اجلاس میں بھارتی کرکٹ بورڈ کامسلسل ٹرافی لینے کیلئےاصرارکرتارہا،چیئرمین

پاکستان کرکٹ بورڈ(پی سی بی) محسن نقوی نےواضح کیا کہ اب اگر ٹرافی چاہیے تو سوریا کمار یادیو اے سی سی دفتر آکر مجھ لے لیں۔
میڈیا رپورٹس کے مطابق دبئی میں ایشین کرکٹ کونسل کے اجلاس میں پاکستان اور بھارتی کرکٹ بورڈ آمنے سامنے آگئے۔زرائع کے مطابق اجلاس میں بی سی سی آئی کے اعلیٰ عہدیدار راجیو شکلا نے بار بار ایشیا کپ ٹرافی پر اصرار کیا جس پر چیئرمین پی سی بی اور ایشین کرکٹ کونسل کے صدر محسن نقوی نے کہا کہ یہ بات اجلاس کے ایجنڈے میں شامل نہیں۔تاہم، بھارتی کرکٹ بورڈ کی جانب سے مسلسل اصرار کیا جاتا رہا جس پر انہیں جواب دیا کہ فائنل کے بعد اے سی سی صدر محسن نقوی ٹرافی دینے اسٹیج پر موجود تھے، ٹرافی لینے سے انکار بھارتی کرکٹ ٹیم نے کیا۔
محسن نقوی نے واضح کیا کہ اب اگر بھارت کو ٹرافی چاہیے تو ایشین کرکٹ کونسل کے دفتر میں آکر مجھ سے لے لیں، یا پھر تقریب منعقد کرکے اے سی سی صدر سے وصول کرلیں۔اجلاس کے دوران گرما گرمی زیادہ بڑھی تو اے سی سی، پی سی بی، بی سی سی آئی، سری لنکن بورڈ اور افغان بورڈ کو معاملہ حل کرنے کا مشترکہ ٹاسک دے دیا گیا۔
اجلاس میں بھارتی ٹیم کی جانب سے نو ہینڈ شیک اور سوریا کمار یادیو کے سیاسی بیانات کی مذمت کی گئی۔زرائع کے مطابق آئندہ ایشیا کپ 2027 میں بنگلہ دیش میں کرانے کا فیصلہ بھی کیا گیا۔واضح رہے کہ متحدہ عرب امارات میں کھیلے گئے ایشیاکپ کے دوران بھارتی ٹیم کے کپتان سوریا کمار یادیو نے پاکستان کے خلاف میچ کے دوران پہلے کپتان اور پھر قومی ٹیم سے ہاتھ نہ ملاکر اسپورٹس مین اسپرٹ کی خلاف ورزی کی۔یہی نہیں۔
میچ کے بعد پریس کانفرنس کے دوران بھارتی ٹیم کے کپتان نے پہلگام واقعے کا ذکر کرکے کرکٹ میں سیاست لے آئے اور پھر فائنل جیتنے کے بعد بھی اپنی حرکتوں سے باز نہ آئے، ایشین کرکٹ کونسل کے صدر محسن نقوی سے ٹرافی لینے سے ہی انکار کردیا۔بھارتی ٹیم کے ان حرکتوں پر ان کے سابق کپتان اور کھلاڑی بھی خاموش نہ رہے، بھارتی ٹیم اور کرکٹ بورڈ پر خود تنقید کی۔