اسلام آباد (ویب ڈیسک،فوٹو فائل ) چیئرمین مینجمنٹ کمیٹی پی سی بی نجم سیٹھی کی وزیراعظم شہباز شریف سےملاقات ہوئی ۔کرکٹ بورڈ کے

 امور پر بات چیت کی گئی ۔ایشیا کپ ، ورلڈ کپ کے وحوالے سے مشاورت، پی سی بی 2014 کے آئین بحالی سے متعلق بریفنگ دی گئی ۔
وزیراعظم شہباز شریف نے ملاقات میں نجم سیٹھی پر مکمل اعتماد کا اظہار کرتے ہوئے چیئرمین پی سی بی کیلئے نامزد کر دیا، وزیراعظم نے نجم سیٹھی کو جلد پی سی بی چیئرمین کے الیکشنز مکمل کرنے کی ہدایت بھی کردی۔ ذرائع کا کہنا ہے کہ وزیراعظم شہباز شریف جلد 2 نام پی سی بی گورنرز بورڈ میں بھجوائیں گے جس میں دوسرا نام مصطفی رمدے کا ہونے کا امکان ہے۔
نجم سیٹھی نے وزیراعظم کو ایشیا کپ اور بھارت میں ورلڈ کپ سے متعلق بریفنگ دی اور ایشیا کپ اور ورلڈ کپ سے متعلق شہباز شریف سے رائے مانگ لی ۔بریفنگ میں نجم سیٹھی نے بتایا کہ پی سی بی کا 2014 کا آئین مکمل بحال ہوچکا ہے۔90 فیصد سے زیادہ اضلاع میں پی سی بی ڈسٹرکٹس کا الیکشن مکمل ہوگیا ہے۔
وزیراعظم کو بتایا گیا کہ ریجنز کے 80 فیصد الیکشن مکمل ہوچکے ہیں۔ ریجنل انٹر ڈسٹرکٹ انڈر 19 کرکٹ ٹورنامنٹ 15 جون سے شروع ہو رہا ہے۔ ایک سالہ کرکٹ کیلنڈر مکمل کر لیا گیا ہے ،جس کا جلد اعلان ہوگا۔پی سی بی کے آئین بحالی پر وزیراعظم شہباز شریف نے نجم سیٹھی کو مبارکباد بھی دی۔