کراچی(نمائندہ رنگ نو)الخدمت کراچی کےآرفن کیئر پروگرام میں رجسٹرڈ ” باہمت بچوں “ کو گرین اینڈ کلین پاکستان کے تحت پی اے ایف میوزیم کے

تفریحی ومطالعاتی دورے پرلے جایا گیا۔

دورے میںڈائریکٹر آرفن کیئر پروگرام یوسف محی الدین ،منیجرمصعب بن عبدالقادر،کورنگی کلیسٹر کے 250بچے ، ان کی مائیں اور الخدمت کے دیگر ذمہ داران موجود تھے۔

اس موقع پر بچوں کو پی اے ایف میوزیم کی سیر کروائی گئی اوروہاں رکھےتاریخی ماڈلزاوراشیا سےمتعلق معلومات فراہم کی گئیں۔بچوں نے میوزیم میں رکھے جہازوں کے ماڈلز ،یونیفارمز ،قائداعظم اورفاطمہ جناح کے ماڈل ،آبدوز ،بحری وبری افواج کے اعلیٰ سابق سربراہان کی تصاویر بھی دیکھیں اوران سے متعلق معلومات بھی حاصل کیں ۔

بچوں نے سیر سے خوب لطف اٹھایا،اس موقع پرڈائریکٹر آرفن کیئر پروگرام یوسف محی الدین نےکہا کہ آج کے باہمت بچے کل کاروشن مستقبل ہیں۔ انہیں باصلاحیت اور باہمت بنانا ہم سب کی ذمہ داری ہے۔

انہوں نےکہا کہ الخدمت کا آرفن کیئر پروگرام نہ صرف ان باہمت بچوں کی کفالت کررہا ہےبلکہ ان کی دینی ،اخلاقی تربیت کا بھی فریضہ انجام دے رہا ہے۔

الخدمت ان بچوں کو شہر کے مختلف تفریحی مقامات کی سیر اور مطالعاتی دورے کرواتی رہتی ہے، تا کہ ان انہیں نہ صرف تفریح کے مواقع میسر ہوں بلکہ ان کی معلومات میں بھی اضافہ ہو۔انہوں نے کہا کہ پورے معاشرے کی ذمہ داری ہے کہ ان یتیم بچوں کا سائبان بنیں اورالخدمت کا ساتھ دیں ۔دریں اثنا دریں اثنا یوم پاکستان پر شہر کے مختلف علاقوں میں گرین اینڈ کلین پاکستان مہم کے تحت باہمت بچوں نے صفائی میں مہم میں حصہ لیا اور کچرا اٹھا کر یہ پیغام دیا کہ ہم سب وطن عزیز کو گرین اینڈ کلین بنانے میں اپنا اپنا کردار ادا کریں