لاہور( اسپورٹس ڈیسک )ایشئین چیمپئنز ٹرافی کیلئے 18 رکنی قومی ہاکی ٹیم کا اعلان کردیا گیا ہے۔ ڈریگ فلکر ارباز انجری کا شکار ہونے کے سبب ٹرافی

سے باہر ہوگئے ہیں۔ روایتی حریف پاکستان اور بھارت 9 اگست کو مد مقابل ہوں گے۔

نیشنل ہاکی اسٹیڈیم لاہورمیں ایشئین چیمپئنز ٹرافی ہاکی کیلئے2 روزہ ٹرائلز کےبعد چیف سلیکٹر کلیم اللہ کی سربراہی میں قومی سلیکشن کمیٹی نے ٹیم کا انتخاب کیا گیا ہے۔

عمر بھٹہ کپتان، رانا عبدالوحید نائب کپتان ہوں گے،جبکہ دیگر کھلاڑیوں میں اکمل حسین، عبداللہ خان، محمد عبداللہ، سفیان خان، احتشام اسلم، اسامہ بشیر، عقیل احمد، ارشد لیاقت، محمد عماد، عبدالحنان شاہد، زکریا حیات، رومان، مرتضی یعقوب، شاہ زیب خان، افراز اور عبدالرحمان شامل ہیں۔سات کھلاڑیوں کو اسٹینڈ بائی رکھا گیا ہے،ان میں علی رضا، محمد باقر،محمد ندیم خان، عبدالوہاب وقار علی، محمد ارسلان اور عبدالقیوم شامل ہیں۔

کپتان عمربھٹہ نے ٹرافی کیلئے منتخب قومی ٹیم کو نوجوان کھلاڑیوں کا مجموعہ قرار دیا اور کہا ہے  کہ بھارت کے خلاف بہترین ہاکی کھیلیں گے، ایشین چیمپئنز ٹرافی بھارت کے شہر چنائے میں 3 اگست سے شروع ہو گی۔یاد رہے کہ قومی ٹیم کی شرکت حکومتی اجازت سے مشروط ہے۔