اسلام آباد(ویب ڈیسک ،خبر ایجنسی ،فوٹو فائل) یونان کشتی حادثے میں پاکستانیوں کی اموات کے حوالے سے حکومت پاکستان نے 78میتیوں کی
شناخت کیلئے ڈی این اے ٹیسٹ کرانے کا فیصلہ کر لیا ۔
حکومت نے ڈی این کیلئے کوآرڈینشن سیل بنانے کی ہدایت جاری کردی ہے جس میں وزارت داخلہ،وزارت خارجہ، وزارت صحت،وزارت اورسیز پاکستانی اورایف آئی اے کے نمائندہ شامل ہوں گے۔
سیل کشتی کے مسافروں کے رشتہ داروں کے ڈی این اے سیمپل اکٹھے کرے گا۔
اسلام آباد اور آزادکشمیر سمیت جہاں ضروری ہوا کیمپ آفس قائم کیے جائیں گے،ڈی این اے کے نمونہ جاتکیلئے ،جگہوں کا تعین کرکے لواحقین کو اطلاع دی جائے گی،یونان میں پاکستانی سفارتخانے کی مشاورت سے ڈی این اے ٹیسٹ لیے جائیں گے، ڈی این اے ٹیسٹ کیلئے پنجاب فرانزک لیب سے کوآرڈینیشن کی جائے گی۔