اسلام آباد( ویب ڈیسک )حکومت نے 26نومبر سے ملک بھر کے تعلیمی ادارے بند کرنے کا اعلان

کردیا ہے ۔26نومبر سے 24دسمبر تک اسکولز کی بندش کے دوران آن لائن کلاسز جاری رکھنے کا بھی فیصلہ کیا گیا ۔
وفاقی وزیر تعلیم شفقت محمود نے پریس کانفرنس میں کہا کہ 26نومبر سے 24دسمبر تک اسکولز بند رہیں گے،جبکہ 25دسمبر سے 10جنوری 2021تک موسم سرما کی چھٹیاں ہوں گی ۔قبل ازیں وزرائے تعلیم کانفرنس آج پیر کی صبح وفاقی وزیر تعلیم شفقت محمود کی زیر صدارت منعقد ہو ئی تھی جس میں چاروں صوبوں کے وزرا اور دیگر حکام نے ویڈیو لنک کے ذریعے شرکت کی۔
اجلاس میں ملک بھر کے تمام تعلیمی ادارے ایک ماہ کیلئے بند کرنے کی سفارش کر دی گئی تھی اورکہا گیا تھا کہ سفارشات منظوری کیلئے نیشنل کمانڈ اینڈ کنٹرول سینٹر ( این سی او سی) کے اجلاس پیش کی جائیں گی ،جہاں وزیر اعظم عمران خان کی منظوری کے بعد تعلیمی اداروں میں 25دسمبر سے چھٹیاں کی جائیں گی۔تاہم اب وفاقی وزیر تعلیم شفقت محمود نے پریس کانفرنس میں کہا کہ 26نومبر سے 24دسمبر تک اسکولز بند رہیں گے،جبکہ 25دسمبر سے 10جنوری 2021تک موسم سرما کی چھٹیاں ہوں گی اس کے بعد اسکولز کھول دیئے جائیں گے۔