شارجہ ( اسپورٹس ڈیسک ) پاکستان نےبھارتی سورماؤں کے بعد کیوی ٹیم کی بھی دھلائی کردی۔ٹی ٹوئنٹی ورلڈ کپ کے دوسرے میچ میں 5وکٹوں سے 

 شکست دے کر فتح اپنے نام لی ۔

پاکستان نے میچ کا ٹاس جیت کر نیوزی لینڈ کو بیٹنگ کی دعوت دی نیوزی لینڈ نے بیٹنگ کرتے ہوئے 20 اوورز میں 8 وکٹوں کے نقصان پر 134 رنز بنائے ۔پاکستانی ٹیم نے یہ ہدف 19 ویں اوور میں پورا کر دکھایا ۔

پاکستان کی جانب سے رضوان نے سب سے زیادہ 33 رنز اسکور کیے ۔شعیب ملک نے 27 ، عماد وسیم نے 11  رنز اسکورکیے،جبکہ آصف علی نے 12 گیندوں پر27 رنز بنائے۔

حارث نے شاندار بولنگ کی 22 رنز کے دے کر 4 وکٹیں حاصل کیں ۔شاہین آفریدی ،عمادوسیم اورحفیظ نے ایک ایک کھلاڑی کو آؤٹ کیا ۔

نیوزی لینڈ کی جانب سے ڈیزل مچل 27،گلین فلپس 13۔کپتان ولیمنس 26اور ٹم شائفرٹ 6 رنز بنا سکے۔

پاکستانی ٹیم کے کپتان بابر اعظم کا کہنا ہے کہ ٹیم نے محنت کی ۔آئندہ میچز میں بھی پرفارمنس دکھائیں گے ۔