کراچی (رنگ نوڈاٹ کام) رنگ نو ڈاٹ کام کا کا رنامہ، گورنمنٹ ستارہ حیدری سکنڈری اسکول نئی کراچی سیکٹر الیون ڈی  کی کئی برس سے گری ہوئی 

 دیوار راتوں رات تعمیرکروا دی۔علاقہ مکینوں کی جانب سے رنگ نوڈاٹ کام اور سماجی رہنما رحمت بھائی کوزبردست خراج تحسین پیش کیا گیا ۔

 نئی کراچی کےسیکٹر الیون ڈی میں قائم گورنمنٹ ستاری حیدری سیکنڈی اسکول میں قائم اسکول گزشتہ کئی سال سے خستہ حالی کا شکارتھا ،اس کی ایک دیوار کا بڑاحصہ  ٹوٹ چکا تھا،جبکہ اس اسکول کی دیوار کے ساتھ کچرے کےانبارتھے، ٹوٹی ہوئی دیوار مسلسل سیکیورٹی رسک بنی ہوئی تھی ،جبکہ رات کے اوقات میں نشہ کرنے والے اورجرائم پیشہ افراد باآسانی اسکول کی عمارت کو  استعمال کر رہے تھے۔

 رنگ نو کی ٹیم وہاں پہنچی اور اس کی رپورٹنگ کی ،موقع پر موجود لوگ صورت حال دیکھتے رہے ،رپورٹنگ کی تکمیل اوررنگ نو چینل کیلئے ویڈیو ریکارڈنگ کے اگلے ہی روزاسکول انتظامیہ کی جانب سےدیوارتعمیر کرادی گئی ۔

علاقہ مکینوں کا کہنا ہےتھا کہ سماجی رہنما رحمت بھائی نے اس سلسلے میں بہت کوششیں کی تھیں ،اس اسکول کی عمارت میں 7اسکول قائم ہیں اور اسے کیمپس کا درجہ دیا گیا ہے ،لیکن اسکول انتظامیہ نے اس کی سیکیورٹی پر کوئی توجہ نہیں دی تھی ،اس کیلئے اخبارات میں بھی خبریں شائع ہوتی رہیں ،لیکن کوئی شنوائی نہیں ہوئی ۔

علاقہ مکین صلاح الدین نے کہا کہ اس اسکول کی دیوار کی راتوں رات تعمیر کا سہرا رنگ نوڈاٹ کام اور رحمت بھائی کے سرجاتا ہے ۔انہوں نے کہا یہ دیوار کئی سال سے گری ہوئی تھی ۔یہاں کچرے اور سیوریج کے بھی مسائل ہیں ،انہیں بھی حل ہونا چاہیے۔