اسلام آباد ( ویب ڈیسک ،فوٹو فائل )اسلام آباد کی ڈسٹرکٹ اینڈ سیشن کورٹ نے ریاستی اداروں پر گمراہ کن الزامات لگانے اور ان کی ساکھ متاثر کرنے
کے کیس میں عدم حاضری پر وزیر اعلیٰ خیبر پختونخوا سہیل آفریدی کے ناقابل ضمانت وارنٹ گرفتاری جاری کر دیے۔
مقدمے کی سماعت سینئر سول جج عباس شاہ نے کی۔ عدالت نے سہیل آفریدی کو گرفتار کر کے پیش کرنے کا حکم دیتے ہوئے کیس کی مزید سماعت 17 جنوری تک ملتوی کر دی۔واضح رہے کہ سہیل آفریدی کے خلاف نیشنل سائبر کرائم انویسٹی گیشن ایجنسی (این سی سی آئی اے) نے پیکا ایکٹ کے تحت مقدمہ درج کر رکھا ہے۔یاد رہے کہ اس سے قبل سہیل آفریدی نے دورہ لاہور کے دوران نامناسب زبان کے استعمال پر معذرت بھی کی تھی۔
