راولپنڈی (ویب ڈیسک ،خبر ایجنسی ،فوٹو فائل )پاک فوج کےسربراہ جنرل سید عاصم منیرسے ترک بری افواج کےکمانڈر جنرل سیلکوک بیریکتر اوغلو نے
پیر کو جی ایچ کیو راولپنڈی میں ملاقات کی، جس میں باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال کیا گیا۔
آئی ایس پی آر کے مطابق فریقین نے دونوں ممالک کے درمیان تاریخی، ثقافتی اور مذہبی تعلق پر مبنی گہرے تعلقات پر اطمینان کا اظہار کیا، آرمی چیف جنرل سید عاصم منیر نے دونوں مسلح افواج کے درمیان موجودہ ملٹری ٹو ملٹری تعاون کو مزید مضبوط بنانے کی ضرورت پر زور دیا۔
معزز مہمان نے خطے میں امن و استحکام کو یقینی بنانے میں پاک فوج کے کردار کو سراہا،قبل ازیں جی ایچ کیو آمد پر ترک لینڈ فورسز کے کمانڈر نے یادگار شہدا پر پھول چڑھا ئے ،پاک فوج کے چاق و چوبند دستے نے معزز مہمان کو گارڈ آف آنر پیش کیا۔
