کراچی ( نمائندہ رنگ نو )قائداعظم اکادمی کراچی کے تحت قائد اعظم کے مقرب ساتھی سرعبداللہ ہارون کا تحریک پاکستان میں کردار کے عنوان
سے سیمینار کا انعقاد کیا گیا، جس میںڈائریکٹر قائداعظم اکیڈمی زاہد حسین ابڑو ، ڈاکٹر اسماعیل موسیٰ، عامرعلی مغیری، ڈاکٹر رضوانہ جبیں،عبدالماجد و دیگر نےاظہار خیال کیا۔
ڈائریکٹرقائداعظم اکیڈمی زاہد حسین ابڑو، ڈاکٹر اسماعیل موسیٰ، عامر علی مغیری، ڈاکٹر رضوانہ جبیں و دیگر نے کہا کہ سر عبداللہ ہارون کا تحریک پاکستان میں نمایاں کردار ہے، قائداعظم محمد علی جناح کے ساتھ سر عبداللہ ہارون نے تحریک پاکستان میں اہم کردار ادا کیا ہے۔
انہوں نے قیام پاکستان کے بعد اپنے دروازے مہاجرین کیلئے کھول دیئے، نوجوانوں کو تحریک پاکستان اور قیام پاکستان کے بارے میں آگاہی دینے کی ضرورت ہے۔تحریک پاکستان میںبزرگوں نے بے پناہ قربانیاں پیش کیں۔ کراچی پہنچنے والے مہاجرین کو رہنے کیلئے جگہ دی ، کھانے پینے کا انتظام کیا۔
سر عبداللہ ہارون نے پاکستان کی ترقی اور خوشحالی کیلئے گرانقدر خدمات انجام دیں، سیمینار کےآخر میں ڈائریکٹر قائداعظم اکیڈمی زاہد حسین ابڑو نے تمام مہمانان کا شکریہ ادا کیا۔ نظامت کے فرائض عاصم نیاز خان نے ادا کئے۔
