اسلام آباد ( ویب ڈیسک )نئے سال میں یکم جنوری 2026 سے صارفین کو پٹرول میں بڑا ریلیف ملنے کا امکان ہے،بین الاقوامی منڈی میں خام تیل کی
قیمتوں میں نمایاں کمی کے باعث حکومت نے آئندہ 15 روز کے لیے پیٹرولیم مصنوعات سستی کرنے کی تجویز تیار کر لی ہے۔
سرکاری ذرائع کے مطابق پیٹرول کی قیمت میں دس روپے ساٹھ پیسے فی لیٹر تک کمی متوقع ہے جبکہ ہائی اسپیڈ ڈیزل کی قیمت میں آٹھ روپے انسٹھ پیسے فی لیٹر کمی کی جا سکتی ہے، اس کے علاوہ مٹی کا تیل آٹھ روپے بیانوے پیسے اور لائٹ ڈیزل آئل چھ روپے باسٹھ پیسے فی لیٹر سستا ہونے کا امکان ہے۔
تجویز منظور ہونے کی صورت میں پیٹرول کی قیمت موجودہ دوسو ترسیٹھ روپےپنتالیس پیسے سے کم ہو کر تقریباً دوسوباون روپے پچاسی پیسے فی لیٹر ہو جائے گی۔ ہائی اسپیڈ ڈیزل کی قیمت دوسوپینسٹھ روپے پینسٹھ پیسے سے گھٹ کر دوستاون روپے روپے چھ پیسے فی لیٹر تک آنے کا امکان ہے۔
اسی طرح مٹی کے تیل کی قیمت موجودہایک سو اسی روپےچون پیسے کے مقابلے میں کم ہو کرایک سواکتہرروپےباسٹھ پیسے فی لیٹر تک پہنچ سکتی ہے۔ حتمی اعلان وزیراعظم کی منظوری کے بعد کیا جائے گا۔
