کراچی (شوبز ڈیسک) کوک اسٹوڈیو کے 14 ویں سیزن کا آغاز گذشتہ ہفتے گلوکارہ عابدہ پروین اور نصیبو لال نے توجھوم کلام سے کیا۔

عابدہ پروین اور نصیبو لال کے کلام نے نہ صرف سوشل میڈیا کو اپنے حصار میں لے لیا ہے، بلکہ شوبز انڈسٹری کے اسٹار بھی اس کلام کے سحر میں جکڑ گئے۔
صبا قمر نے گذشتہ روز اپنے سماجی رابطوں کی ویڈیو اینڈ فوٹوز شیئرنگ ایپ انسٹاگرام پر اداکار احسن خان کے ساتھ ایک مختصر ویڈیو شیئر کی ہے جس میں وہ توجھوم کو سنتے ہوئے اس کلام کی تاثیر سے لطف اندوز ہورہی ہیں۔