کراچی ( شوبز ڈیسک )معروف اداکارہ عروہ حسین نے کہا کہ ایشیاءکپ 2023 کے تمام میچز پاکستان میں نہ ہونےکی وجہ بھارتی سیاست ہے۔

سماجی رابطے کی ویب سائٹ ایکس پر ایشیاکپ سے متعلق بات چیت کرتے ہوئے عروہ حسین کا کہنا تھا کہ بھارت کی سیاست اتنی گھٹیا ہو گئی ہے کہ پاکستان میں اپنی ٹیم کو کھیلنے نہیں دے رہی۔
انہوں نے کہا کہ اس سے ان کی اپنی ٹیم کا نقصان ہو رہا ہے۔ انہو ں نے کہا کہ ٹورنامنٹ میں بھارتی ٹیم صحیح طریقے سے نہیں کھیل رہی اس لیے بھارت بارش کے باعث میچز متاثر ہونے سے مطمئن ہے ،جو کہ عالمی اسپورٹس اسپرٹ کے خلاف ہے۔
بھارت کا 2 ستمبر کو پاکستان کے ساتھ ہونے والا اہم میچ بارش کی نذر ہوگیا تھا اور دونوں ٹیموں میں ایک، ایک پوائنٹ تقسیم کردیا گیا تھا،علاوہ ازیں 4 ستمبر کو ایشیاکپ کے گروپ اے کے میچ میں بھارت اور نیپال کے درمیان میچ بھی بارش کی نذر ہوا تھا۔