کراچی (رنگ نوویب ڈیسک) آن لائن جرنلزم، ہمدرد فاؤنڈیشن اور کراچی چیمبر کے اشتراک عمل سے ہیٹ ریلیف کیمپ کا انعقاد کیاگیا
جس میں روح افزاء پلاکر گرمی سے بے حال شہریوں کو تروتازہ کیا گیا۔
ہیٹ ریلیف کیمپ کا افتتاح کے سی سی آئی کے سینیر نائب صدر شمس الاسلام نے کیا۔ اس موقع پر آن لائن جرنلزم کے ارسلان صدیقی، عمران ذاکر، وقاص صدیقی، وسیم خان، اکبرخان، افضل ذل اور سیدصہیب موجود تھے۔
یواین ایس ڈی جیز کے حصول کے لیے آن لائن جرنلزم کی کاز بیسڈ سرگرمیاں جاری ہیں۔ اس سرگرمی کے حوالے سےآن لائن جرنلزم کے مشترکہ اعلامیے میں کہا گیا کہ سوشل انٹرپرینیورشپ کے فروغ کے لیے آن لائن جرنلزم ملک بھر میں ایسی سرگرمیوں کو فروغ دینا چاہتا ہے،جس کے ذریعے تاجر برادری عوام میں سماجی کاروبار کے فروغ کے لیے آگے بڑھے۔
اعلامیے میں کہا گیا ہے کہ آن لائن جرنلزم ہمیشہ اشتراک عمل کو فروغ دینے اور باہمی تعاون کی فضاء قائم کرنے کے لیے کوشاں ہے۔
اس موقع پر ارسلان صدیقی و دیگر آن لائن صحافیوں نے ہمدرد فاؤنڈیشن اور کراچی ایوان صنعت و تجارت کا شکریہ ادا کیا۔