حیدر آباد( رنگ نو ڈیسک ) عید الفطرکی آمدسے قبل حیدر آباد کےمختلف بازاروں میں عید شاپنگ کی گہما گہمی میں اضافہ ہو گیا ہے۔ بازار وں میں خواتین
اور لڑکیاں اپنے عید کے لئے نئی لباس، جوتے اور دیگر اشیاء خریدنے میں مصروف ہیں۔
حیدر آباد کے معروف بازاروں "ریزیڈنسی روڈ" اور "بورا بازار"میں شاپنگ کرنے والوں کی بڑی تعداد نظرآرہی ہے۔ خواتین اور لڑکیاں اپنےپسندیدہ لباس کے ساتھ ساتھ مصنوعی جیولری میں بھی دل چسپی ظاہر کر رہی ہیں۔ شاندار اور دیدہ زیب زیورات کی دکانوں پرخریداری کے لئے لمبی قطاریں لگ گئی ہیں۔
مصنوعی جیولری جو کہ حیدر آباد کی شناخت بن چکی ہے،اس عید پرخواتین میں خاص طورپرمقبول ہے۔ سونے، چاندی اور مختلف رنگوں کے پتھروں سے سجی یہ جیولری نہ صرف عید کی خوشیوں میں چار چاند لگا رہی ہے بلکہ روایتی حیدرآبادی ثقافت کی ایک خوبصورت علامت بھی ہے۔
شاپنگ کےساتھ ساتھ بازاروں میں محفلوں اورجشن کاماحول بھی دیکھنےکومل رہاہےجہاں دکان دار اورخریداردونوں ہی عید کی خوشیوں میں شریک ہیں۔اس عید پرحیدر آباد کی خواتین اور لڑکیوں کا یہ خریداری کا جوش اورجذبہ ایک نئے موسم کی نوید دے رہا ہےاور بازاروں میں یہ رنگین مناظر عید کی خوشیوں کو مزید بڑھا رہے ہیں
