لاہور (شوبز ڈیسک)شوبز کو خیر بادکہنے والی رابی پیرزادہ نے کہا ہے کہ میںجب گیارہ سال کی تھی تو اس وقت اپنی زندگی کا پہلا
اسکیچ ممتاز ایٹمی سائنسدان ڈاکٹرعبد القدیر خان کا بنایا تھا۔ہماری قوم کی ایک عادت ہے کہ ہم زندہ لوگوں کی قدر نہیں کرتے اور ہمیں اپنی اس روایت کو بدلنا ہوگا۔
رابی پیرزادہ کا ایک انٹرویو میں کہنا تھا کہ ڈاکٹر عبدالقدیر خان کا انتقال پہاڑ جیساصدمہ ہے ،انہوں نے اس قوم کےلئے جوخدمات سر انجام دیں اس کی قیمت ادا نہیں کی جا سکتی ۔ انہوں نے کہا کہ میں پوری قوم سے اپیل کرتی ہوںڈاکٹرعبدالقدیر خان کی خدمات کو خراج تحسین پیش کرنے کےلئے اپنے گھروں ،پارکوں یا جہاں بھی جگہ ملے ان کے نام کا ایک ،ایک پودا ضرور لگائیں۔