لاہور (ویب ڈیسک) مسلم لیگ ن کی ترجمان مریم اورنگزیب نے وزیراعظم عمران خان
کے گھر جانے کو تمام عوامی مسائل کا حل قرار دے دیا ۔ میڈیا سے گفتگو کرتے ہوے انہوں نے کہا عمران صاحب اپوزیشن پر جھوٹے الزامات لگانے، شہبازشریف کو جیل بھجوانے سے ملک نہیں چلے گا۔ انہوں نے کہا کہ عمران خان اڑھائی سال سے آپ کی پالیسی جھوٹ بولنا، جھوٹے الزام لگانا اورسیاسی مخالفین کو جیل بھجوانا ہے ۔
انہوں نے کہا کہ اڑھائی سال سے جعلی حکومت کی پالیسی ہے کہ اپوزیشن کو جیل میں بند کرو اور عوام کے وسائل لوٹ لو۔شہبازشریف کو جیل میں بند کرو اوردونوں ہاتھوں سے آٹا چینی چوری کرو ۔
مریم اورنگزیب نے کہا کہ شہبازشریف کو جیل میں بند کرو اور سقوط کشمیر کرو ۔شہبازشریف کو جیل میں بند کرو اور فارن فنڈنگ کا جواب نہ دو ۔شہباز شریف کو جیل میں بند کرواور عوام کی بجلی اور گیس چوری کرو۔شہبازشریف کو جیل بند کرو اور عوام کی معیشت اور روزگار تباہ کرو ۔شہبازشریف کو جیل میںبند کرواورعوام کی ادویات پر ڈاکہ ڈالو۔
انہوں نے کہا عوام کے مسائل کا حل جاننے والے جیل میںرہیں گے کیونکہ عمران صاحب کی جعلی حکومت کی اصلیت قوم جان چکی ہے ۔ انہوں نے کہا عوام کے مسائل کا حل جاننے والے سوال نہ اٹھائیں اس لئے انہیں جیل میں رکھا گیا ہے ۔
