اسلام آباد (ویب ڈیسک) وفاقی کابینہ نے بجلی گیس کے نرخوں کے حوالے سے فیصلہ موخر کر دیا وزیر اطلاعات سینیٹر
شبلی فراز نے خدشہ ظاہر کیا ہے کہ سابق وزیراعظم نوازشریف کی کرپشن اور اثاثے باہر ہونے کی وجہ سے کوئی بھی دشمن انھیں پاکستان کے خلاف استعمال کرسکتا ہے ۔غداری کے مقدمات سے وزیراعظم اور حکومت کا کوئی لینا دینا نہیں ۔ اسے ہمارے کھاتے میں نہ ڈالا جائے۔
ان خیالات کا اظہار انھوں نے کابینہ اجلاس کے بعد میڈیا بریفنگ میں کیا اجلاس وزیراعظم عمران خان کی صدارت میں اسلام آباد میں ہوا،شبلی فراز نے کہا کہ ہم نے کوئی غداری کے سرٹیفکیٹ نہیں دیے، ہماری جنگ ان سے ہے ،جنہوں نے ذاتی مفادات کے لیے ملک کا استحصال کیا۔ اب ایسی حکومت آگئی ہے جو ایسا کام کرتی ہے نہ کرنے دیتی ہے وفاقی کابینہ اشیا کی قیمتوں میں اضافے کا نوٹس لیا ہے فوری اقدامات کی ہدایت کردی ہے، کپاس کی پیداوار کا ہدف بھی حاصل نہیں کیا جا سکے گا،خیبرپختونخوا میں پنجاب کے مقابلے میں گندم کی قیمت زیادہ ہے،ساحلی علاقوں کی بحالی چاہتے ہی جنہیں سیوریج میں تبدیل کردیا گیا ہے سارا فائدہ صوبو ں کا ہے۔
۔ سینیٹر شبلی فراز نے بتایا کہ کابینہ اجلاس میں ملک بھر میں چہلم امام حسین کے موقع پر سکیورٹی امور کا جائزہ لیا گیا ۔کابینہ اجلاس میں معاشی اشاریوں سے آگاہی دی گئی۔
اجلاس کو بتایا گیا کہ معاشی اشاریے اچھے اور مثبت ہیں۔ وزیراعظم اور کابینہ نے روزمرہ استعمال کی اشیا کی قیمتوں میں اضافے پر تشویش کا اظہار کیا ہے۔ وزیراعظم نے اشیائے ضروریہ کی قیمتیں کم کرنے کیلئے فوری اقدامات کی ہدایت کی ہے کابینہ کو بتایا گیا کہ ملکی زرمبادلہ کے ذخائر 20ارب ڈالر تک پہنچ چکے ہیں۔ بڑے پیمانے کی صنعتوں کی پیداوار میں نمایاں بہتری آئی ہے۔
