حیدرآباد (تعلیم ڈیسک)ناظم سالانہ امتحانات جامعہ سندھ جامشورو پروفیسر ڈاکٹر سراج الحق کاندھڑو نے ایل ایل بی حصہ اول، دوم و سوم کے سالانہ
امتحانات 2020کے نتائج کا اعلان کردیا ہے۔
امتحانی نتائج کے مطابق ایل ایل بی حصہ اول کے سالانہ امتحانات میں مجموعی طور پر 537امیدواروں نے حصہ لیا، جن میں سے 477امیدوار کامیاب اور 37ناکام قرار دیئے گئے۔ امتحانات میں 16امیدوار غیرحاضر بھی رہے تین امیدواروں کو کاپی کیس کیا گیا جبکہ 4امیدواروں کے نتائج امتحانی شعبے کے کنڈکٹ برانچ کی جانب سے روکے گئے ہیں۔
امتحانات میں مجموعی کامیابی کا تناسب 88.82فیصد رہا دوسری جانب ایل ایل بی حصہ دوم کے جاری کردہ نتائج کے مطابق امتحانات میں مجموعی طور پر 1551امیدواروں نے حصہ لیا،جن میں سے 1389امیدوار پاس اور 90ناکام قرار دیئے گئے امتحانات میں 34 امیدوار غیر حاضر بھی رہے ۔18امیدواروں کے نتائج ایل ایل بی حصہ اول میں فیل اور 20 امیدواروں کے نتائج کاپی کیس ہونے کی وجہ سے روکے گئے ہیں۔
امتحانات میں مجموعی کامیابی کا تناسب 89.55فیصد رہا اعلامیہ کے مطابق ایل ایل بی حصہ سوم کے نتائج بھی جاری کیے گئے ہیں، جن کے مطابق امتحانات میں مجموعی طور 3471امیدوار شریک ہوئے، جن میں سے 1442امیدوار فرسٹ کلاس اور 1675سیکنڈ کلاس سمیت مجموعی طور پر 3117امیدواروں کو کامیاب قرار دیا گیا ہے۔
امتحانات میں 19امیدوار غیر حاضر بھی رہے اعلامیہ کے مطابق 54امیدواروں کے نتائج ایل ایل بی حصہ دوم میں فیل اور 95امیدواروں کے نتائج کاپی کیس ہونے کی وجہ سے روکے گئے ہیں۔ امتحانات میں مجموعی کامیابی کا تناسب 89.80فیصد رہا ۔
