کراچی (تعلیم ڈیسک )اعلیٰ ثانوی تعلیمی بورڈ کراچی نے انٹرمیڈیٹ کے ضمنی امتحانات برائے 2022 ءکے سائنس پری انجینئرنگ، سائنس پری میڈیکل اور

ہوم اکنامکس گروپس کے نتائج کا اعلان کردیا ہے۔
ناظم امتحانات انٹربورڈ انجینئر انور علیم خانزادہ نے کہا کہ سائنس پری انجینئرنگ کے ضمنی امتحانات میں 5108امیدواروں نے رجسٹریشن حاصل کی جبکہ 4846امیدوار امتحانات میں شریک ہوئے جس میں سے 1457امیدوار کامیاب قرار پائے۔ ان امتحانات میں 2امیدوار اے ون گریڈ، 9اے گریڈ، 40بی گریڈ، 255 سی گریڈ، 1022 ڈی گریڈ،126 ای گریڈ میں جبکہ 3امیدوار پاس قرار پائے۔
ناظم امتحانات نے مزید بتایا کہ سائنس پری میڈیکل کے ضمنی امتحانات میں 4609 امیدواروں نے رجسٹریشن حاصل کی۔ 4370 امیدوار امتحانات میں شریک ہوئے، جس میں سے 1112 امیدوار کامیاب ہوئے ہیں ۔ان امتحانات میں 11امیدوار اے ون گریڈ، 14اے گریڈ، 31بی گریڈ، 310 سی گریڈ، 695ڈی گریڈ، 40ای گریڈ میں کامیاب ہوئے جبکہ 11امیدوار پاس قرار پائے۔
ناظم امتحانات نے بتایا کہ ہوم اکنامکس گروپ کے امتحانات میں 74امیدواروں نے رجسٹریشن حاصل کی۔ 68امیدوار امتحانات میں شریک ہوئے ،جس میں سے 25امیدوار کامیاب ہوئے، ان امتحانات میں 4امیدوار بی گریڈ، 9سی گریڈ، 11ڈی گریڈ اور ایک امیدوار ای گریڈ میں کامیاب ہوا ہے ، طلبہ ایس ایم ایس کے ذریعہ بھی اپنے نتائج معلوم کرسکتے ہیں۔ طلباءنتائج معلوم کرنے کیلئے BIEK لکھ کر space دیں پھر اپنا رول نمبر لکھیں اور 8583 پر بھیج دیں