کراچی (تعلیم ڈیسک )جامعہ کراچی نے سال 2024 کیلئےآن لائن داخلہ فارم جمع کرانے کی تاریخ میں 23 نومبر تک توسیع کر دی۔ انچارج ڈائریکٹوریٹ آف

ایڈمیشنز جامعہ کراچی ڈاکٹر صائمہ اختر کے مطابق بی ایس،بی ایڈ(آنرز)،اسپورٹس بزنس مینجمنٹ، ویژول اسٹڈیز،بی ای مارننگ پروگرام اورڈاکٹر آف فارمیسی مارننگ وایوننگ پروگرام میں آن لائن داخلہ فارم جمع کرانے کی تاریخ میں23 نومبر2023 تک توسیع کردی ہے۔
شعبہ ویژول اسٹڈیز کا19 نومبر کو ہونے والاداخلہ ٹیسٹ 26 نومبر جبکہ بی ایس،بی ایڈ(آنرز)،بی ای اور ڈاکٹر آف فارمیسی مارننگ وایوننگ پروگرام کا 26 نومبر کو ہونے والاداخلہ ٹیسٹ اب 03 دسمبر2023 کو ہوگا۔
شعبہ ویژول اسٹڈیز کے امیدواروں کے ایڈمٹ کارڈ24 نومبرکو ان کے پورٹل پر اپ لوڈکر دیے جائیں گے،جبکہ بی ایس،بی ایڈ(آنرز)،بی ای اور ڈاکٹر آف فارمیسی مارننگ وایوننگ پروگرام کے امیدواروں کے ایڈمٹ کارڈ30نومبر کو ان کے پورٹل پر اپ لوڈ کردیئے جائیں گے۔
طلبہ تمام معلومات بمعہ آن لائن داخلہ فارم اور پراسپیکٹس کے حصول کیلئے یونیورسٹی کی پررابطہ کرسکتے ہیںجہاں تمام معلومات موجودہیں،طلبہ کی سہولت کے پیش نظرڈائریکٹوریٹ آف ایڈمیشنز جامعہ کراچی کا سلورجوبلی گیٹ پر واقع ہیلپ لائن کاﺅنٹر صبح9 تاشام4 بجے تک کھلا رہے گا ۔