زین صدیقی

جو خدمتِ خلق کو اپنا شعار کرتے ہیں
وہی زمین پہ جنت کا کاروبار کرتے ہیں

انسانی خدمت کرنے والے وہ عظیم لوگ ہیں جو بغیر کسی ذاتی فائدے کے دوسروں کی مدد کو اپنا فرض سمجھتے ہیں۔ یہ لوگ کسی رنگ، نسل، مذہب یا ذات پات کے امتیاز کے بغیر ہر ضرورت مند کے لیے ہاتھ بڑھاتے ہیں۔ ان کا جذبہ ایثار معاشرے میں امید اور محبت کی روشنی پھیلاتا ہے۔ ایسے لوگ زندگی کے ہر میدان میں نمایاں کردار ادا کرتے ہیں، ان کا مقصد انسانیت کی خدمت اورمرجھائے چہروں پر خوشیاں بکھیرناہوتا ہے اور یہی خلوص انہیں معاشرے کا حقیقی ہیرو بناتا ہے۔ انسانیت کے لیے ان کا ہر عمل محبت اور ہمدردی کی عملی تصویر کے ساتھ معاشرے کے لیے بہترین مثال بنتا ہے۔الخدمت یوں 8شعبہ جات جہاںلوگوں کی خدمت میں سارا سال مصروف رہتی ہے ،مگر اس کے پیچھے ٹیم ورک ہو تا ہے ،جو الخدمت کے کاموں کو نہ صرف وسیع کررہا ہوتا ہے بلکہ اسے معاشرے میں نمایاں حیثیت بھی دلاتا ہے ۔
الخدمت اپنے کارکنان کوسال بھر محنت اور جدوجہد کے نتیجے میں انہیں داد تحسین اوربہترین کارکردگی کے حامل کارکنان کو پروموشنز کے مراسلے دینے کے لیے سالانہ تقریب کا اہتمام کر تی ہے ۔ہرسال کی طرح اس سال بھی الخدمت نے کارکنان کے لیے 2025 کے سلوگن میری الخدمت کے تحت ” میری الخدمت اینول کنیکٹ 2025کے عنوان سے تقریب مقامی ہال میں منعقد کی ۔
تقریب کا آغاز تلاوت کلام پاک سے کیا گیا جس کی سعادت مواخات پروگرام کے سراج الاسلام نے حاصل کی۔نعت رسول مقبول واش پروگرام کے محمد آصف نے اپنی خوبصورت میں آواز میں پیش کی ۔تقریب میں الخدمت کے آٹھوں شعبہ جات میں مختلف کیٹگریز میں کارکنان کو ایوارڈاز دیئے گئے جبکہ الخدمت اسپتالوں ،الخدمت ہیڈ آفس ،فارمیسز کے ،واش ،آرایم ڈی اور بنو قابل سمیت دیگر شعبوں کے بہترین کارکردگی دکھانے والے کارکنان کو ترقی کے مراسلے دیئے گئے۔ الخدمت سے رخصت ہونے والے سابق چیف فنانشل آفسرابوالا علی صدیقی ،منیجر آغوش ہوم مصعب بن عبدالقادر اور منیجر بنو قابل پروگرام حمودالرحمن کو ان کی الخدمت میں خدمات پرا نہیں تہنیتی مراسلے پیش کیے گئے۔جبکہ الخدمت کے ” واش پروگرام ،آرفن فیملی سپورٹ پروگرام ،مینٹیننس ڈپارٹمنٹ ،بنو قابل ، ڈائیگنوسٹک سروسز اورکمیونٹی سروسز کے شعبہ جات کو سال بھر کی بہترین کارکردگی پر چیمپئنز ٹرافیاںدی گئیں ۔تقریب میں الخدمت کی 2024 کی کارکردگی پر مبنی رپورٹ پیش کی گئی ۔
تقریب میں ایگزیکٹو ڈائریکٹر راشد قریشی ،الخدمت شعبہ صحت کےڈائریکٹرمیڈیکل سروسز ڈاکٹرثاقب انصاری،ڈائریکٹر ڈائیگنوسٹک سروسز ڈاکٹر عظیم الدین ،ڈائریکٹر فارمیسی سروسزسید جمشید احمد ،ڈائریکٹر کمیونٹی سروسز قاضی سید صدرالدین ، ڈائریکٹر واش پروگرام گوہر الا سلام ، ڈائریکٹربنو قابل پروگرام فاروق کملانی ،ڈائریکٹر آرفن کیئر پروگرام ومواخات یوسف محی الدین ،چیف فنانشل آفیسر آصف جمال ،تمام پروگرامز ،شعبہ جات کے منیجرز اور ذمہ داران موجودتھے ۔
چیف ایگزیکٹو الخدمت کراچی نوید علی بیگ نے مفصل خطاب کیا ۔انہوں نے کارکنان سے اپنے خطاب میں کہا کہ الخدمت نے 2024 میں انسانی خدمت کے لحاظ سے کئی سنگ میں عبورکیے ہیں ۔ ’ ’بنو قابل پروگرام“ 2024 میں نوجوانوں کیلئے امید کی کرن ثابت ہو ا،یہ اس سال الخدمت کا بڑا پروگرام تھا ۔48ہزاربچوں نے فری آئی ٹی کورسز مکمل کیے۔ بنو قابل 4.0 کے ایپٹی ٹیوٹ ٹیسٹ کیلئے شہر میں کوئی ایسا گراو¿نڈ نہیں تھا جس میں کراچی کے نوجوانوں کو ایک ساتھ جمع کیا جاتا،اسی لیے کراچی12 مختلف مقامات پر ٹیسٹ کا اہتمام کیا ۔فلسطینی بہن بھائیوں کے لیے امدادی سامان پر مشتمل 22بڑی امدادی کھیپ بری وبحری راستوں سے مصر بھجوائی گئیں ۔ الخدمت نے وہاں مشکلات کے باوجود امدادی کام جاری رکھے ،الخدمت وہاں شروع دن سے کام کر رہی ہے ۔الخدمت واحد این جی او ہے جس کا نام مظلوم فلسطینیوں کی خدمت میںپہلے نمبر پر رہا ۔
نوید علی بیگ نے کہا کہ وقت انسان کیلئے قیمتی ترین چیز ہے۔ دنیاوی لحاظ سے طاقت ور انسان ہو یا عام انسان سب کو 24گھنٹے میسر ہوتے ہیں۔یہ بڑی نعمت ہے۔وقت کا درست اور کارآمد استعمال کر کے ہم آگے بڑھ سکتے ہیںلیکن اس کیلئے ہدف متعین ہونا ضروری ہے۔انہوں نے بنو قابل پروگرام کے ڈائریکٹر فاروق کملانی اور ان کی ٹیم کو بہترین کارکردگی پر مبارکباد دی ۔انہوں نے کہا کہ 2024میں ہم نے ناظم آباد میں اسٹیٹ آف دی آرٹ ڈائیگنوسٹک لیبارٹری قائم کی ،سال کے آغاز پر موبائل ہیلتھ یونٹ کا افتتاح کیا ۔الخدمت خدمات کے شعبے میں بہترین کارکردگی کے ساتھ آگے بڑھی ہے ۔انہوں نے کہا کہ فلسطین میں جنگ بندی کے بعد وہاں بحالی کے کاموں میں کئی سال لگیں گے ۔الخدمت مظلوم فلسطینیوں کی بحالی کیلئے کام کرے گی ۔انہوں نے کہا کہ فلسطینیوں کی مدد کیلئے الخدمت پر ہر طبقہ فکرکے افراد نے اعتماد کیا ۔خواتین کا جذبہ بھی قابل قدر رہا ´۔نوید علی بیگ نے کارکنا ن سے کہا کہ ہمیں ٹیم ورک کی صورت میں کام کرنا ہے اور ”میری الخدمت “کے سلوگن کے ساتھ کام کرنا اور آگے بڑھناہے ۔ایگزیکٹو ڈائریکٹر الخدمت راشد قریشی نے کہا کہ الخدمت کے تمام شعبہ جات عوام کی خدمت کررہے ہیں ۔الخدمت کے تمام ڈائریکٹر رضاکارانہ خدمات انجام دیتے ہیں اور یہ اپنے شعبوں کی چنیدہ شخصیات ہیں جو خدمت کے جذبے سے سرشار ہیں۔ انہوں نے کارکنا ن سے کہا کہ خدمت کے کاموں کو مزید بڑھانے کیلئے اپنے اپنے حصہ کا بھرپور کردار ادا کیا جائے ۔