اسلام آبا د(ویب ڈیسک ) ماہانہ مہنگائی کے اعدادوشمار جاری کردئیے گئے ۔ماہ اکتوبر میں مہنگائی میں 1.08 فیصد کا اضافہ ریکارڈکیا گیا ہے۔

ادارہ شماریات کے مطابق رواں مالی سال کے پہلے چار ماہ میں مہنگائی کی شرح 28.48 فیصد تک پہنچ گئی، اکتوبر میں مہنگائی کی شرح 26.89 فیصد ریکارڈ کی گئی، شہری علاقوں میں مہنگائی کی شرح میں 1.07 فیصد کا اضافہ ہوا، دیہی علاقوں میں ماہ اکتوبر میں مہنگائی کی شرح میں 1.10 فیصد کا اضافہ ہوا۔ایک ماہ میں پیاز کی قیمت میں 38.71 فیصد کا اضافہ ہوا، تازہ سبزیوں کی قیمتیں ایک ماہ میں 17.74 فیصد بڑھی ہیں ۔
ایک ماہ میں پھل 6.49 فیصد، انڈے 6.05 فیصد مہنگے ہوئے، ایک ماہ میں آلو کی قیمت 3.72 فیصد ،مچھلی کی قیمت میں 3 فیصد اضافہ ہوا ہے ۔ایک ماہ میں چینی کی قیمت میں 10.23 فیصد کی کمی ریکارڈ کی گئی ،ایک ماہ ٹماٹر 3.11 فیصد، دال مونگ 2.05 فیصد سستی ہوئیہے ،ایک ماہ میں آٹا 1.87 فیصد اور تازہ دودھ 1.73 فیصد سستا ہواہے ۔