اسلام آباد(ویب ڈیسک )بجلی کے بعد گیس بھی مہنگی کر دی گئی،اوگرا نے گیس ٹیرف بڑھانے کی منظوری دے دی ہے ۔ذرائع نے بتایا کہ سوئی نادرن کے
صارفین کےلئے گیس کی قیمت میں اوسطا 50فیصد تک بڑھانے کی منظوری دی گئی ہے۔
سوئی سدرن کے صارفین کےلئے گیس کی قیمت میں اوسطاً 42فیصد تک اضافہ کی منظوری دی گئی ہے۔سوئی نادرن کے صارفین کےلئے گیس نرخ 415روپے 11پیسے فی ایم ایم بی ٹی یو بڑھانے کی منظوری دی گئی،سوئی سدرن گیس کمپنی کے صارفین کےلئے نرخ 417روپے فی ایم ایم بی ٹی یو بڑھانے کی منظوری دی ۔
سوئی نادرن کے صارفین کا فی ایم ایم بی ٹی یو ریٹ 1238روپے68پیسے ہوجائے گا ۔سوئی سدرن کے صارفین کا فی ایم ایم بی ٹی یو ریٹ 1350روپے 68پیسے فی یونٹ ہو جائیگا ،اوگرا نے ریونیو ضروریات منظور کرکے حکومت کو بھجوادیں۔
حکومت اوگرا کی منظوری کے بعد قیمتوں کو بڑھانے کا نوٹیفکیشن جاری کریگی،اوگرا نے یہ ریونیو ضروریات کا تعین مالی سال 2023اور2024کےلئے کیا تھا ،حکومت کی منظوری کے بعد تمام صارفین کےلئے گیس کے نرخوں میں اضافہ ہو جائے گا ۔گیس کے نرخوں میں اضافہ کا اطلاق یکم جولائی سے کیا جائے گا ،گیس صارفین جن میں گھریلو ، صنعتی ، تندور ، سی این جی ہوٹل سمیت سب کی قیمتیں بڑھ جائیں گی۔
ا