لاہور (ویب ڈیسک)مسلم لیگ(ن) کے رہنما اور پنجاب اسمبلی میں اپوزیشن لیڈر حمزہ شہباز نے موجودہ حکومت کی نکتہ
چینی کرتے ہوئے کہا ہے کہ نیا پاکستان کا خواب چکنا چور ہوگیا، اب قوم آپ سے حساب لے گی،پی ڈی ایم کے پلیٹ فارم سے حکومت کا محاسبہ ہوگا اور تحریک منطقی انجام تک پہنچے گی۔
لاہور میں پنجاب اسمبلی میں شرکت کے بعد میڈیا سے بات کرتے ہوئے حمزہ شہباز نے کہا کہ دھاندلی کی بنیاد پر حکومت نے جنم لیا اور آج عوام کے ساتھ گھناونہ کھیل کھیل رہے ہیں، 72 سال میں کسی کی ہمت نہیں ہوئی کہ مقبوضہ کشمیر کوئی ہڑپ کر جائے،عمران خان کی جانب سے امریکا کا دورہ کرنے کے محض چند دنوں بعد ہی بھارت نے مقبوضہ کشمیر کی خصوصی حیثیت ختم کرکے کشمیر ہڑپ کرلیا تھا'انہوں نے سوال اٹھایا کہ 'کیا حکومت نے کشمیر کے حوالے سے ٹھوس کام کیا؟ حکومت کے پاس اخلاقی جرات نہیں کہ وہ کشمیری خواتین کے ساتھ ہونے والے مظالم پر آواز اٹھا سکے'۔حمزہ شہباز نے کہا کہ چینی اور آٹا بحران کے مافیا وزیراعظم عمران خان کی کابینہ میں بیٹھے ہیں۔
انہوں نے کہا کہ باہر سے معاشی ٹیم ملک میں آکر بیٹھ گئی ہے جسے غریب آدمی کے مسائل کا ادراک نہیں ہے۔حمزہ شہباز نے کہا کہ 'غیرملکی معاشی آئنسٹائن کا بھروسہ نہیں جو بعد میں بیگ اٹھا کر روانہ ہوجائے اور ملکی معاشی بحران سے دوچار ہوجائے'۔ان کا کہنا تھا کہ شہباز شریف کی تعمیر کردہ فرانزک لیب میں لاہور-سیالکوٹ موٹر وے کیس کے ملزم کی نشاندہی ہوگئی لیکن نااہل انتظامیہ تاحال ملزم کو گرفتار نہیں کرسکی۔حمزہ شہباز نے معاشی ماہرین کا حوالہ دے کر کہا کہ 'اگلے 2 برس تک معاشی اشاریے مثبت سمت میں نہیں جا سکیں گے۔
