رنگ نو ڈیسک

کھجوردُنیاکا سب سےصحت مند اورانتہائی غذائیت والاپھل ہے۔ اگرآپ مضبوط ہڈیاں، چمکتی ہوئی جِلد اورصحت سےمتعلق دیگر فوائد چاہتے ہیں

تو آپ کو کھجور کا باقاعدگی سےاستعمال کرنے کی ضرورت ہے۔

کھجور میں ریشہ، پروٹین، پوٹاشیم، میگنیشیم، آئرن اور وٹامن بی 6 کی بھرپور مقدارموجود ہے۔ کھجور فوری توانائی کا ایک بہت بڑا ذریعہ ہے۔ دن کا آغاز کھجوروں سے کرنا دن بھر تروتازہ رہنے کا ایک بہترین طریقہ ہے۔کھجور ریشہ کا ایک پاور ہاؤس ہے. جو نظامِ ہاضمہ کو بہتر بنانے اور قبض جیسے مسائل کو ختم کرنے میں معاون ثابت ہوتا ہے۔

صبح کے وقت کھجوریں کھانے سےآپ کو تھکاوٹ سے نجات ملتی ہے۔آپ کی جِلد نِکھرتی ہے اور ایکنی جیسے مسائل سے بھی چھٹکارا حاصل ہوتا ہے۔کھجور آئرن کا ایک بھرپور ذریعہ ہے، جسم میں خون کی کمی اور خون کے بہاؤ کو روکنے کے لیے آئرن کی مقدار ضروری ہے۔ پورے جسم میں خون اور آکسیجن کی اچھی فراہمی آپ کو زیادہ جاندار اور توانائی بخش محسوس کرسکتی ہے۔ کھجور پوٹاشیم کا بہت بڑا ذریعہ ہے۔ یہ بلڈ پریشر کے مریضوں کے لیے فائدہ مند ہے۔

کھجور جسم میں خراب کولیسٹرول (ایل ڈی ایل)کی سطح کوکم کرسکتی ہے۔ اس سے شریانوں اور دل کی بیماریوں میں رکاوٹ کے خطرات کم ہوجاتے ہیں۔ کھجور کا باقاعدہ استعمال ہڈیوں کے لئے فائدہ مند ثابت ہوتا ہے۔وزن کم کرنے والی غذا میں کھجور بھی شامل کی جاسکتی ہیں۔ وہ لوگ جو صبح کے وقت ورزش کرتے ہیں خاص طور پر اپنی ورزش سے پہلے کھجوریں کھا کر فائدہ اٹھا سکتے ہیں۔

کھجور چینی کا ایک صحت مند متبادل ہے۔کھجور دماغی افعال کو بہتر بنانے کے لیے مشہور ہے۔ کھجور کے باقاعدہ استعمال سے ہماری دماغی صحت بہتر ہوتی ہے-