میلبورن (اسپورٹس ڈیسک)ایشزسیریز کے تیسرے ٹیسٹ میچ میں آسٹریلیا نے انگلینڈ کو اننگز اور 14 رنز سے ہرادیا۔

میزبان ٹیم آسٹریلیا تیسرا ٹیسٹ جیتنے کے بعد 5 ٹیسٹ میچز کی سیریز میں 0-3 کی ناقابل شکست برتری حاصل کر چکی ہے،انگلینڈ نے پہلی اننگز میں 185 رنز بنائے تھے ،جس کے جواب میں آسٹریلیا نے 267 رنز بنائے ، انگلینڈ کی ٹیم دوسری اننگز میں صرف 68 رنز پر آﺅٹ ہو گئی اور یوں پہلی اننگز کے 82 رنز کا خسارہ بھی مکمل نہیں کر سکی۔
دوسری اننگز میں انگلش ٹیم کے کپتان جو روٹ 28 رنز بنا کر نمایاں رہے ،ان کے 4 کھلاڑی صفر پر آﺅٹ ہوئے،آسٹریلیا کی جانب سے ٹیسٹ ڈیبیو کرنے والے فاسٹ بولر اسکاٹ بولینڈ نے 4 اوورز میں 7 رنز دے کر 6 وکٹیں لیں جبکہ میچل اسٹارک نے 3 کھلاڑیوں کو آو¿ٹ کیا۔
ادھراسکاٹ بولینڈ کو میچ میں مجموعی طور پر 8 وکٹ لینے پر میچ کا بہترین کھلاڑی قرار دیا گیا۔واضح رہے کہ ایشیز سیریز کے پہلے ٹیسٹ میچ میں آسٹریلیا نے مہمان ٹیم انگلینڈ کو 9 وکٹوں سے شکست دے دی تھی جبکہ دوسرا ٹیسٹ میچ 275 رنز سے جیتا تھا۔