لاہور (اسپورٹس ڈیسک)انڈر 19 ون ڈے چیمپئن شپ میںسندھ نے ناردرن کو شکست دےدی، قذافی سٹیڈیم لاہور میں
کھیلے گئے فائنل میں دفاعی چیمپئن سندھ نے ناردرن کو 53 رنز سے ہرا کر ٹائٹل کا دفاع کرلیا ، اسپنر عالیان محمود نے 4 وکٹیں حاصل کرکے ناردرن سے فتح چھین کر سندھ کی جھولی میں ڈال دی،سپنر کو مین آف دی فائنل قرار دیا گیا،243 رنز کے جواب میں ناردرن کی پوری ٹیم 44.3 اوورز میں 189 رنز پر آوٹ ہوگئی۔
اوپنر شعیب خان نے 71 اور عبدالفصیح نے 70 رنز بنائے، دونوں بلے بازوں نے دوسری وکٹ کیلئے 147 رنز کی شراکت قائم کی، جس کے بعد سپنر عالیان محمود کی گھومتی گیندوں نے ناردرن کے مڈل آرڈر کو مکمل طورپر بے بس کردیا، ناردرن کے 8 کھلاڑی ڈبل فگرز میں داخل نہ ہوسکے، عالیان محمود نے 45 رنز کے عوض 4 وکٹیں حاصل کیں۔
اس سے قبل سندھ نے پہلے بیٹنگ کرتے ہوئے غازی غوری اور رضوان محمود کی نصف سنچریوں کی بدولت مقررہ پچاس اوورز میں 8 وکٹوں کے نقصان پر 242 رنز بنائے، غازی غوری 62 اور رضوان محمود 53 رنز بنا کر آوٹ ہوئے، ناردرن کے فیضان سلیم اور مبصر خان نے 2،2 وکٹیں حاصل کیں،ایونٹ کی چیمپئن ٹیم کو دس لاکھ جبکہ رنرزاپ کو پانچ لاکھ روپے کی انعامی رقم دی گئی
۔
سندھ کے عالیان محمود کو مین آف دی فائنل قرار پانے پر 20 ہزار روپے کی انعام رقم دی گئی،چیمپئن شپ میں 332 رنز اور 26 وکٹیں حاصل کرنیوالے ناردرن کے مبصر خان کو پلیئر آف دی ٹورنامنٹ ،524 رنز بنانے والے ناردرن کے عبدالفصیح کو ٹورنامنٹ کا بہترین بیٹسمین،سدرن پنجاب کے فیصل اکرم 27 وکٹیں حاصل کرکے بہترین باولر اور کے پی کے سلمان خان کو وکٹوں کے پیچھے 21 شکار کرنے پر بہترین وکٹ کیپر قرار دیا گیا، ان تمام پرفارمرز کو پچاس پچاس ہزار روپے کی انعامی رقم دی گئی۔ا
