اسلام آباد(ویب ڈیسک ،خبر ایجنسی)آئی ایم ایف کی شرائط کے مطابق پٹرولیم مصنوعات پر لیوی میں اضافہ کردیا گیا۔

ذرائع وزارت نے بتایا کہ ہائی اسپیڈ ڈیزل پر پٹرولیم لیوی 45 روپے کردی گئی۔ذرائع وزارت خزانہ ہائی سپیڈ ڈیزل پر پٹرولیم لیوی میں 5 روپے فی لیٹر کا اضافہ کیا گیا ہے۔مٹی کے تیل پر پٹرولیم لیوی 7 روپے 77 پیسے بڑھا دی گئی،مٹی کے تیل پر پٹرولیم لیوی 8 روپے 2 پیسے عائد کردی گئی۔
لائٹ ڈیزل آئل پر پٹرولیم لیوی میں 50 پیسے کا اضافہ کیا گیا ہے ،لائٹ ڈیزل پر پٹرولیم لیوی 27 روپے 87 پیسے ہوگئی،آئی ایم ایف نے پٹرولیم مصنوعات پر 50 روپے فی لیٹر لیوی عائد کرنے کی شرط رکھی ہے، پٹرول پر 50 روپے فی لیٹر پٹرولیم لیوی عائد ہے، پٹرولیم مصنوعات پر سیلز ٹیکس صفر ہے۔