بیجنگ( ویب ڈیسک ،خبر ایجنسی ) چین نے کہا ہے کہ پاکستان میں ہونے والے الیکشن اور اس کے نتیجے میں بننے والی حکومت
ان کا اندرونی معاملہ ہے۔
پاکستان کے ساتھ ہمیشہ سے اسٹریٹیجک تعلقات قائم تھے اور آئندہ بھی رہیں گے، غیر ملکی خبر رساں ادارے کے مطابق چین کی وزارت خارجہ کے ترجمان نے پاکستان میں ہونے والے الیکشن اور بننے والی نئی حکومت کے لیے نیک تمناو¿ں کا اظہار کرتے ہوئے کہا ہے کہ چین اور پاکستان ایک دوسرے کے تمام موسموں کے اسٹریٹیجک شراکت دار ہیں۔
ترجمان چینی وزارت خارجہ نے الیکشن مہم کے دوران ہونے والے دہشت گردانہ حملوں کی سخت الفاظ میں مذمت کرتے ہوئے کہا کہ دہشت گردی کے خاتمے اور شہریوں کے تحفظ اور سلامتی کیلئے حکومت پاکستان اور عوام کی انتھک کوششوں کی حمایت کرتے ہیں۔
دہشت گردی کے واقعات میں قیمتی جانوں کے ضیاع پر افسوس ہے، چین کی وزارت خارجہ کے ترجمان نے مزید کہا کہ پاکستان میں دہشت گردی کے واقعات پر تشویش اور قیمتی جانوں کے ضیاع پر افسوس ہے۔
