اسلام آباد (ویب ڈیسک) پاکستان کرکٹ بورڈ میں اربوں روپے خرچ کئے جا رہے ہیں،لیکن قومی کرکٹ ٹیم کے نتائج صفر ہیں۔ کرکٹ
بورڈ کے معاملات کا جائزہ لینا بہت ضروری ہے ،جبکہ پاکستان اولمپک ایسوسی ایشن سے الیکشن بھی قبضہ کی ایک صورت ہے۔
قومی اسمبلی کی قائمہ کمیٹی برائے بین الصوبائی رابطہ کے اجلاس میں چیئرمین اور ممبران نے کہا کہ پاکستان کرکٹ بورڈ کے معاملات کو جاننے کے لئے اگلا اجلاس لاہور میں منعقد ہو سکتا ہے۔ اس حوالے سے بین الصوبائی رابطہ کی وزارت کے سیکرٹری کے ذریعے پاکستان کرکٹ بورڈ حکام سے بات ہوئی ہے اور اگلے لاجلاس میں ہمارے معاملات زیرغور آئیں گے کہ اربوں روپے خرچ کرنے کے باوجود پاکستان کرکٹ ٹیم کی کارکردگی انتہائی ناقص کیوں ہے۔
کمیٹی نے پی او اے کے یکطرفہ الیکشن پر بھی تشویش کا اظہار کرتے ہوئے کہا کہ کھیلوں کی قومی فیڈریشنوں کو جو سالہا سال سے کام کر رہی ہیں انہیں اعتماد میں نہیں لیا گیا جس پر وفاقی سیکرٹری نے کمیٹی کو یقین دلایا کہ پی او اے کے الیکشن کا نوٹیفکیشن جاری نہیں کیا جائے گا۔
