آئی سی سی ویمنز چیمپئن شپ میں قومی خواتین کرکٹ ٹیم کی کارکردگی کا جائزہ

(لاہور( اسپورٹس ڈیسک
انگلینڈ کے خلاف ایک روزہ سیریز کے ساتھ ہی آئی سی سی ویمنز چیمپئن شپ 2017-20 میں قومی خواتین کرکٹ

ٹیم کا سفر اختتام پذیر ہوگیا۔ آٹھ ٹیموں پر مشتمل ایونٹ کے پوائنٹس ٹیبل پر پاکستان چوتھی پوزیشن پر موجود ہے۔

آئی سی سی ایک روزہ ویمنز ٹیم رینکنگ میں ساتویں نمبر پر موجود پاکستان خواتین کرکٹ ٹیم کی کارکردگی میں گذشتہ 2 سالوں میں نمایاں بہتری دیکھی گئی ہے۔

آئی سی سی ویمنز چیمپئن شپ میں پاکستان خواتین کرکٹ ٹیم کے سفر کا آغاز اکتوبر 2017 میں ہوا۔ اس سفر کے آغاز میں پاکستان خواتین کرکٹ ٹیم کو نیوزی لینڈ ویمنز کرکٹ ٹیم کے خلاف تین ایک روزہ میچوں پر مشتمل سیریز میں شکست کا سامنا کرنا پڑا ۔ سیریز کا نتیجہ تو 2-1 رہا مگر تین روزہ سیریز میں واحد کامیابی قومی خواتین کرکٹ ٹیم کی نیوزی لینڈ ویمنز کرکٹ ٹیم کےخلاف ایک روزہ کرکٹ میں پہلی کامیابی تھی۔ میچ میں 4کھلاڑیوں کو پویلین کی راہ دکھانے والی آف اسپنر ثناء میر سیریزمیں 7وکٹیں حاصل کرکے بہترین باؤلر قرار پائی تھیں۔
ثناء میر کاکہنا ہےکہ قومی خواتین کرکٹ ٹیم نے آئی سی سی ویمنز چیمپئن شپ میں اپنے سفر کا آغاز ورلڈکپ 2017 کے فوری بعد کیا اور انہیں آئی سی سی ویمنز چیمپ شپ میں نئی گیند سے باؤلنگ کرنے کا ٹاسک دیا گیا۔ انہوں نے کہا کہ نیوزی لینڈ کے خلاف پہلے ایک روزہ میچ میں قومی خواتین کرکٹ ٹیم کامیابی کے قریب تھی مگر بدقسمتی سے ایسا ممکن نہ ہوسکا تاہم ٹیم نے آخری میچ میں بہتر کھیل کا مظاہرہ کرکے 5وکٹوں سے فتح حاصل کی۔ ثناء میر نے کہا کہ نیوزی لینڈ کے خلاف آخری ایک روزہ میچ میں 4وکٹیں حاصل کرکے تاریخی جیت میں کلیدی کردار ادا کرنا ہمیشہ ان کے لیے ایک یادگار لمحہ رہے گا۔
کپتان قومی خواتین کرکٹ ٹیم بسمہ معروف کا کہنا ہےکہ نیوزی لینڈ کے خلاف آخری میچ میں کامیابی ایک تاریخی فتح تھی جس سے کھلاڑیوں کے اعتماد میں اضافہ ہوا۔ انہوں نے کہا کہ چیمپئن شپ کے آغاز میں کامیابی سے قومی خواتین کرکٹرز کی کارکردگی میں حوصلہ افزاء بہتری آئی۔
ایونٹ میں پاکستان ویمنز کرکٹ ٹیم کی دوسری اسائنمنٹ سری لنکا کے خلاف سیریز تھی۔ مارچ 2018 میں کھیلی گئی سیریز میں پاکستان نے کامیابی حاصل کی جو قومی خواتین کرکٹ ٹیم کی اکتوبر 2015 کے بعد پہلی فتح تھی۔ سیریز میں پاکستان کی جانب سے آف اسپنر ثناء میر اور بیٹر جویریہ خان نے اعلیٰ کارکردگی کا مظاہرہ کیا ۔ ثناء میر نے 3 ایک روزہ میچوں میں آٹھ اعشاریہ اسی کی اوسط سے باؤلنگ کی جبکہ جویریہ خان نے دو سنچریاں اسکور کی تھیں۔
جویریہ خان کا کہنا ہےکہ سری لنکا کے خلاف سیریز یادگار رہی۔ انہوں نے کہا کہ سیریز میں کامیابی سے کھلاڑیوں کے اعتماد میں اضافہ ہوا۔ جویریہ خان نےکہا کہ سیریز کے دوران تمام کھلاڑیوں نے ذمہ داری کا مظاہرہ کیا لہٰذاسری لنکا کے خلاف سیریز میں کامیابی کا کریڈیٹ پوری ٹیم کو جاتا ہے۔انہوں نے کہاکہ قومی کرکٹ ٹیم کی فتح میں کلیدی کردار ادا کرنے پر انہیں خوشی ہوئی۔
جویریہ خان نے کہا کہ ثناء میر نے بہترین باؤلنگ کا مظاہرہ کرکے سیریز میں پاکستان کی پوزیشن مستحکم رکھی۔انہوں نے کہا کہ آف اسپنر نے اہم مواقع پر ٹیم کو بریک تھرو دلوائےجو کامیابی کا سبب بنے۔
ثناء میر نے کہاکہ بطور باؤلر میچ کے دوران پوری ٹیم کی جانب سے حوصلہ افزائی کی ضرورت ہوتی ہے۔ انہوں نے کہا کہ سیریز کے دوران نشرہ سندھو نے دوسرے اینڈ سے ان کا بھرپور ساتھ دیاجس کے باعث وہ سیریز میں 10 وکٹیں حاصل کرنے میں کامیاب رہیں۔
آسٹریلیا کے خلاف 3-0 سے وائٹ واش کےبعد ویسٹ انڈیز کے خلاف کامیابی بھی پاکستان کے اس سفر کا حصہ ہے۔متحدہ عرب امارا ت میں ویسٹ انڈیز کے خلاف سیریز میں کامیابی میں سدرہ امین اور ڈیانا بیگ نے اہم کردار ادا کیا تھا۔ 3 میچوں پر مشتمل سیریز میں سدرہ امین نے 2 نصف سنچریاں بنائیں جبکہ ڈیانا بیگ نے 2 میچوں میں 7وکٹیں حاصل کی تھیں۔ یہ پاکستان کی ویسٹ انڈیز کے خلاف ویمنز کرکٹ سیریز میں پہلی فتح ہے۔
ڈیانا بیگ نے کہا کہ سیریز کے پہلے میچ میں عدم شرکت کے باعث وہ آئند میچوں میں بہترین کارکردگی دکھانے کا عزم لیے میدان میں اتری تھیں۔انہوں نے کہا کہ سیریز میں 7کھلاڑیوں کو پویلین کی راہ دکھانا ان کی یادگار کارکردگی ہے تاہم ڈینڈرا ڈوٹن کی وکٹ حاصل کرنا ان کے لیے ایک ناقابل فراموش لمحہ رہے گا۔ڈیانا بیگ نے کہا کہ ویسٹ انڈین ویمن کرکٹر نے ٹی ٹونٹی سیریز میں شاندار کھیل کا مظاہرہ کیا تھا لہٰذا ایک ان فارم کرکٹر کی وکٹ لینے پر وہ بہت خوش تھیں۔
سدرہ امین نے کہا کہ ٹیم کی جیت میں اہم کردار ادا کرنا ہر کھلاڑی کی خواہش ہوتی ہے اور وہ بھی ویسٹ انڈیز کے خلاف کامیابی پر مسرور تھیں۔ انہوں نے کہا کہ سیریز کے دوران ندا ڈار نے بیٹنگ میں ان کا بھرپور ساتھ دیا جس کے باعث وہ ایک میچ میں 96 اور دوسرے میں 52 رنز بنانے میں کامیاب رہیں۔
جنوبی افریقہ کے خلاف سیریز کے پہلے میچ میں کامیابی حاصل کرنے والی قومی خواتین کرکٹ ٹیم کو دوسرے میچ میں شکست کا سامنا کرنا پڑا تاہم قومی خواتین کرکٹرز نے شاندار کھیل کا مظاہرہ کرتے ہوئے سیریز کاتیسرا اور آخری میچ ٹائی کردیا تھا۔ سیریز میں نشرہ سندھو، عالیہ ریاض اور جویریہ خان نے بہتر کھیل کا مظاہرہ کیا تھا۔
کپتان قومی خواتین کرکٹ ٹیم بسمہ معروف کا کہنا ہےکہ سیریز کے آغاز سے قبل انہوں نے ان نتائج کا سوچا بھی نہیں تھا۔ انہوں نے کہا کہ پہلے میچ میں کامیابی کے بعد بدقسمتی سے ٹیم دوسرا میچ نہیں جیت سکی تاہم تیسرے میچ میں جنوبی افریقہ کی جانب سے 265 رنز کرنے کے باوجود قومی بیٹرز نے شاندار فائٹ بیک کیا۔ کپتان نے کہا کہ سیریز میں قومی خواتین کرکٹ ٹیم کی جانب سے جویریہ خان اور عالیہ ریاض نے بیٹنگ میں متاثر کن کھیل کا مظاہرہ کیا۔
عالیہ ریاض کا کہنا ہےکہ انہیں اس سیریز میں اپنی کارکردگی آج بھی یاد ہے۔ انہوں نے کہاکہ آخری ایک روزہ میچ میں عمدہ کارکردگی کا مظاہرہ کرنے پر وہ فخر محسوس کرتی ہیں۔ عالیہ ریاض نے کہاکہ میچ میں انہوں نے باؤلنگ میں بھی بہتر کھیل کا مظاہرہ کیا تھا جس سے بیٹنگ کےلیے روانگی سے قبل وہ پراعتماد تھیں۔

ایونٹ میں پاکستان نے اپنا آخری راؤنڈ انگلینڈ ویمنز کرکٹ ٹیم کے خلاف کھیلا۔ ملائیشیا کے شہر کوالالمپور میں کھیلی گئی سیریز میں پاکستان کو 0-2 سے شکست کا سامنا کرنا پڑا تاہم تیسرا میچ بارش کی نذر ہونے کے باعث پاکستان کو ایک پوائنٹ سے نواز دیا گیا۔ ایک پوائنٹ کے حصول کے ساتھ ہی قومی خواتین کرکٹ ٹیم آئی سی سی ویمنز چیمپن شپ کے پوائنٹ ٹیبل پر چوتھی پوزیشن پر آگئی ہے۔ پوائنٹس ٹیبل پر جنوبی افریقہ اور پاکستان کے پوائنٹس کی تعداد برابر ہے تاہم ایونٹ میں جنوبی افریقہ ویمنز کرکٹ ٹیم کو ابھی 6 مزید میچز میں شرکت کرنا ہے جبکہ ایونٹ میں پاکستان کے میچز مکمل ہوچکے۔
بسمہ معروف کا کہنا ہےکہ انگلینڈ کے خلاف حالیہ سیریز میں رنز اسکور کرنے پر انہیں خوشی تو ہوئی مگر زیادہ تسلی جب ہوتی اگر ان رنز کی بدولت پاکستان ویمنز کرکٹ ٹیم سیریز میں کامیابی حاصل کرلیتی ۔انہوں نے کہا کہ سیریز کے دوران پاکستان نے اچھی کرکٹ کھیلی مگر زیادہ دیر مومنٹم برقرار نہ رکھنے کے باعث کسی میچ میں کامیابی حاصل نہیں کرسکے۔ کپتان کا کہنا ہے کہ فیلڈنگ اور کھلاڑیوں کی انفرادی کارکردگی میں بہتری سیریز کے مثبت پہلو ہیں۔

ایونٹ میں چوتھی پوزیشن حاصل کرنے والی قومی خواتین کرکٹ ٹیم کی کھلاڑیوں نےگذشتہ 2 سالہ کارکردگی کو حوصلہ افزاء قرار دیا ہے۔ چیمپئن شپ کے 15 میچوں میں 35 وکٹیں حاصل کرنے والی آف اسپنر ثناء میر ایونٹ میں سب سے زیادہ وکٹیں حاصل کرنے والی باؤلرز میں پہلے نمبر پر ہیں۔ نشرہ سندھو17میچوں میں 20 وکٹیں حاصل کرکے 15ویں نمبر پر موجود ہیں۔

بیٹنگ کی بات کی جائے تو پاکستان کی جویریہ خان نے 18 میچوں میں 552 رنز،ناہیدہ خان نے 18 میچوں میں 521 رنز اور بسمہ معروف نے 14میچوں میں 447 رنز بناکر نمایاں بیٹرز رہیں۔
جویریہ خان کا کہنا ہےکہ قومی ویمنز ٹیم میں ٹیلنٹ کی کمی نہیں، ضرورت صرف اس امر کی ہےکہ میچ کے دوران خواتین کرکٹرز میں دباؤ برداشت کرنے کی اہلیت بڑھانی ہوگی۔ انہوں نے کہا کہ پاکستان کو آسٹریلیا ویمنز کرکٹ ٹیم سمیت دیگر بڑی ٹیموں سے سیکھنا ہوگا کہ کارکردگی میں تسلسل کیسے برقرار رکھا جاسکتا ہے۔

ثناء  میر نے کہا کہ کامیابی کے لیے ضروری ہے کہ ہر خاتون کرکٹر اپنی ذمہ داری سے بخوبی آگاہ ہو۔ انہوں نے کہا کہ آئی سی سی ویمنز چیمپئن شپ کا انعقاد درحقیقت قومی خواتین کرکٹ ٹیم کے لیے ایک بہترین تجربہ رہا جہاں پاکستان کو بڑی ٹیموں سے کھیلنے کا موقع ملا۔ ثناء میر نے کہاکہ ایونٹ میں شرکت سے پاکستان ویمنز کرکٹ ٹیم کی کارکردگی میں مزید بہتری کی امید ہے۔
کپتان قومی خواتین کرکٹ ٹیم کا کہنا ہے کہ گذشتہ 2 سالوں میں قومی خواتین کرکٹرز نے کھیل کے تینوں شعبوں خصوصاََ فیلڈنگ میں بہترین کارکردگی کا مظاہرہ کیا ہے۔ انہوں نے کہا کہ کھلاڑیوں کی حالیہ کارکردگی کا مطلب یہ ہے کہ قومی ویمنز کرکٹ درست سمت میں آگے بڑھ رہی ہے۔ انہوں نے کہا کہ پاکستان کو صرف کارکردگی میں تسلسل برقرار رکھنے کی ضرورت ہے۔
آئی سی سی ویمنز چیمپئن شپ میں پاکستان اور بھارت کے درمیان میچز کا انعقاد نہیں ہورہا کیونکہ سیریز کے انعقاد کے لیے تاحال پاکستان کو بی سی سی آئی سے کوئی دعوت نامہ موصول نہیں ہوا۔ سیریز کے لیے ونڈو ختم ہونے کے باعث اس معاملے پر فیصلہ اب آئی سی سی کرے گا۔

شہر شہر کی خبریں

قبال کی  شاعری نے مسلمانان برصغیر میں خود اعتمادی، بیداریِ اورفکرکاجذبہ پیدا کیا:سعدیہ راشد

 کراچی (نمائندہ رنگ نو )ہمیں علامہ اقبال اور شہید حکیم محمد سعید کی حیات سے یہ سبق ملتا ہے کہ بڑے مقاصد کے حصول کے لیے مسلسل غور و فکر اور

... مزید پڑھیے

والدین اپنے بچوں کی سرگرمیوں ا ورڈیجیٹل دنیا میں روابط پر گہری نظر رکھیں : راجا عمر خطاب

کراچی ( نمائندہ رنگ نو )کاونٹر ٹیررازم ڈپارٹمنٹ سندھ پولیس کے سابق سربراہ راجا عمر خطاب نے کہا والدین کو اپنے بچوں کی سرگرمیوں، میل جول اور

... مزید پڑھیے

طلبہ یونین کے انتخابات ہونے چاہئیں تاکہ نوجوانوں کو اپنی قیادت کو منتخب کرنے موقع ملے : محمد فاروق فرحان

کراچی(رپورٹ : عبدالمعیز ) جماعت اسلامی کے رکن سندھ اسمبلی محمد فاروق فرحان نے وفاقی اردو یونیورسٹی کے شعبہ بین الاقوامی تعلقات (آئی ) کے زیرِ

... مزید پڑھیے

تعلیم

نہم جماعت کے 20 فیصد سے کم نتائج، لاہور بورڈ کے 41 سکول سربراہان انکوائری کے لیے طلب (تعلیم)

لاہور (تعلیم ڈیسک)لاہور بورڈ میں نہم جماعت کے 20 فیصد سے کم نتائج دینے والے 41 سکول سربراہان کو تحریری جواب سمیت انکوائری کے لیے طلب کرلیا گیا ہے۔

... مزید پڑھیے

انٹرمیڈیٹ امتحانات کا آغاز، سخت حفاظتی انتظامات ،امتحانی مراکز کے اطراف میں دفعہ 144 نافذ (تعلیم)

کراچی( تعلیم ڈیسک)کراچی انٹر بورڈ کے تحت گیارہویں اور بارہویں جماعت کے سالانہ امتحانات کا آج سے باقاعدہ آغاز ہو گیا

... مزید پڑھیے

کراچی: سندھ میں نئے تعلیمی شیڈول کی منظوری، میٹرک اور انٹرمیڈیٹ امتحانات کی تاریخیں طے (تعلیم)

کراچی ( تعلیم ڈیسک )کراچی میں سندھ بھر کے تعلیمی نظام کے نئے شیڈول کی حتمی منظوری دے دی گئی جس کے تحت میٹرک کے سالانہ امتحانات 31

... مزید پڑھیے

کھیل

یشیا کپ بلائنڈ کرکٹ ٹورنامنٹ میں پاکستان نے دلچسپ مقابلے کے بعدبھارت شکست دیدی

ڈھاکہ(اسپورٹس ڈیسک )ڈھاکہ میں جاری ایشیا کپ بلائنڈ کرکٹ ٹورنامنٹ میں پاکستان نے دلچسپ مقابلے کے بعدبھارت کو ایک وکٹ سے شکست دے کر فائنل

... مزید پڑھیے

آئی سی سی کرکٹ ورلڈ کپ 2027 :ٹکٹوں کے حصول کیلئے ریکارڈ درخواستیں موصول

دبئی(اسپورٹس ڈیسک )آئی سی سی کرکٹ ورلڈ کپ 2027 کے ٹکٹوں کے حصول کیلئے ریکارڈ درخواستیں موصول ہوگئی ہیں۔

... مزید پڑھیے

ویز ے کی غلط معلومات : کرکٹر حمزہ نذر کو 2 سال کی پابندی کی سز امیں معافی مل گئی

لاہور( شوبز ڈیسک )ویزے کیلئے غلط معلومات فراہم کرنے پر 2 سالہ پابندی کا سامنا کرنے والے حمزہ نذر کو معافی مل گئی۔نجی ٹی وی کے مطابق پی سی

... مزید پڑھیے

تجارت

عالمی و مقامی مارکیٹوں میں سونے اور چاندی کی قیمتوں میں نمایاں کمی

کراچی( ویب ڈیسک ) عالمی اور مقامی سطح پر سونے اور چاندی کی قیمتوں میں کمی ریکارڈ کی گئی ہے، بین الاقوامی بلین مارکیٹ میں فی اونس

... مزید پڑھیے

نئے سال 2026 میں کل سے پٹرولیم صارفین کو بڑا ریلیف ملنے کا امکان

اسلام آباد ( ویب ڈیسک )نئے سال میں یکم جنوری 2026 سے صارفین کو پٹرول میں بڑا ریلیف ملنے کا امکان ہے،بین الاقوامی منڈی میں خام تیل کی

... مزید پڑھیے

اکتوبر 2025 کے دوران مہنگائی کی شرح ماہانہ بنیاد پر 1.83 فیصد بڑھ گئی

اسلام آباد(ویب ڈیسک،خبر ایجنسی)اکتوبر 2025 میں مہنگائی کی شرح ماہانہ بنیاد پر 1.83 فیصد بڑھ گئی۔ادارہ شماریات نے ماہانہ

... مزید پڑھیے

دنیا بھرسے

ایران ہر ممکنہ صورتِ حال سے نمٹنےکیلئے تیار ،سفارت کاری کے ذریعے مسئلہ حل کرنے کا بھی عندیہ

تہران (ویب ڈیسک ،فوٹو فائل )ایران نے ہرممکنہ صورتِ حال سے نمٹنےکیلئے یار رہنے کا اعلان کردیا ہے جبکہ سفارت کاری کے ذریعے سے

... مزید پڑھیے

ایران کے ساتھ جاری جنگ بہت جلدختم ہو جائے گی: امریکی صدر ڈونلڈ ٹرمپ

واشنگٹن ( ویب ڈیسک ،فوٹو فائل )امریکی صدر ڈونلڈ ٹرمپ نے کہا ہے کہ ایران کے ساتھ جاری جنگ ’’بہت جلد‘‘ ختم ہو جائے گی، تاہم انہوں نے جنگ کے خاتمے کیلئے کوئی

... مزید پڑھیے

امریکی حملوں میں جاں بحق افراد کا خون رائیگاں نہیں جانے دیں گے: ایرانی وزیرِ خارجہ

تہران( ویب ڈیسک ،فوٹوفائل)ایران کےوزیرِ خارجہ عباس عراقچی نے کہا ہے کہ امریکی حملوں میں جاں بحق ہونے والے شہریوں کا خون رائیگاں نہیں جانے

... مزید پڑھیے

فن و فنکار

معروف بھارتی اداکار نانا پاٹیکر کی آخری رسومات سرکاری اعزاز کے ساتھ ادا

پونا( فن وفنکارڈیسک ) معروف بھارتی اداکار نانا پاٹیکر کی آخری رسومات جمعرات کی شب مہاراشٹرا کے شہر پونا میں واقع ان کے فارم ہاؤس پر سرکاری

... مزید پڑھیے

معروف اداکارہ نیلم منیر کے ہاں بیٹے کی پیدائش

 لاہور(فن وفن کار ڈیسسک)پاکستانی شوبز انڈسٹری کی معروف اداکارہ نیلم منیر کے ہاں بیٹے کی پیدائش ہوئی ہےجس کی اطلاع ان کے شوہر کے قریبی دوست

... مزید پڑھیے

تیسری شادی کا فیصلہ میرے بیٹے نے کروایا، والدہ سخت خلاف تھیں: عتیقہ اوڈھو

کراچی (شوبز ڈیسک)پاکستانی شوبز انڈسٹری کی سینئر اداکارہ عتیقہ اوڈھو نے انکشاف کیا ہے کہ تیسری شادی کا فیصلہ کرنے میں اُن کے بیٹے نے

... مزید پڑھیے

دسترخوان

کریسپی چکن رولز

یاسمین شوکت

 

اجزاء

چکن بون لیس،اُبلااورریشہ کیاہوا،ایک کپ
اُبلےآلو،دوعدد،مسلےہوئے
ہری مرچ،دوعدد،باریک کٹی ہوئی
ہرا دھنیا، دو کھانے کے چمچ
چیڈر چیز، آدھا کپ

... مزید پڑھیے

کریمی اسٹفڈ چکن بالز

یاسمین شوکت

 

اجزاء

چکن کاقیمہ
ایک درمیانی پیاز،باریک کٹی ہوئی

دو سے تین ہری مرچیں، باریک کٹی ہوئی
ایک انڈہ

... مزید پڑھیے

چیز بھرے خستہ مرغی کے پراٹھے

 

اجزاء

مرغی کا مصالحہ بنانےکےلیے

بغیر ہڈی کاباریک کٹاہواچکن۲۵۰ گرام
ادرک لہسن کاپیسٹ ایک کھانےکاچمچ
پسی ہوئی لال مرچ ایک چائے کا چمچ

... مزید پڑھیے

بلاگ

یوم مرد۔۔۔میرے والد میری پہچان، میرا فخر (ثمینہ ناہید )

ثمینہ عباس

مرد کی عظمت صرف اس کے مضبوط کندھوں، بلند آواز یا معاشرے میں اس کے مقام سے نہیں پہچانی جاتی بلکہ اس کی اصل پہچان اس کے کردار، ذمہ

... مزید پڑھیے

وحشتوں کے نگر میں قوس قزح سے لوگ (انیلہ عمران )

انیلا عمران

یہ دنیا امتحان گاہ ہے ۔ہر انسان کو اس دنیا میں عمل کے لیے ایک مختصر وقت ملا ہے اور اس کے بعد ہر انسان کو اپنی مہلت ختم ہونے کے بعد اس دار فانی

... مزید پڑھیے

بیٹی بنا کر رکھو (کشف زھراء)

کشف زہرہ

ہمارا معاشرہ آج جس تیزی سے بدل رہا ہے، اس میں سب سے زیادہ متاثر ہونے والا رشتہ ساس اور بہو کا ہے۔ ہر دوسرے گھر میں یہی شکوہ ہے، ساس تنگ

... مزید پڑھیے