
لاہور(ویب ڈیسک)لاہور قلندرز ورچوئل ٹیلنٹ ہنٹ پروگرام پر ہیڈ کوچ عاقب جاوید نے کہا ہے کہ آج کل تمام سرگرمیاں رْکی ہوئی ہیں ہم اس
دوران ورچوئل ٹیلنٹ ہنٹ کریں گے،یہ بات انہوں نے لاہور میں پریس کانفرنس کرتے ہوئے کہی۔
انہوں نے کہا کہ قلندرز کے سکندرز کا ایک پلیٹ فارم لے کر آرہے ہیں گے۔عاقب جاوید نے کہا کہ آٹھ ہفتے کا پروگرام ہے جس میں کوچز کھلاڑیوں کا انتخاب کریں گے،پہلے مرحلے میں چار چار بیٹسمین، بولرز، وکٹ کیپرز اور اسپنرز کو شارٹ لسٹ کریں گے۔
عاقب جاوید نے کہا کہ 16 کھلاڑیوں کو ہائی پرفارمنس سینٹر میں رکھیں گے اور ان میں سے چار کھلاڑیوں کا انتخاب کیا جائے گا۔چار کھلاڑیوں کو ایک سال ہائی پرفارمنس سینٹر میں ٹریننگ دیں گے اور ان کھلاڑیوں کو پی ایس ایل آسٹریلوی ٹور اور ٹی ٹین کا موقع ملے گا۔




































