ٹنڈوآدم ( سلمان غوری/نمائندہ رنگِ نوڈاٹ کام )پیپلز پارٹی کے کو چیئر مین اور سابق صدر آصف علی ذرداری نے کہا ہے کہ پاکستان میں اب کوئی بنگلہ دیش نہیں بننے دیں گے.
انہوں نے کہا کہ ہم نہ صرف سندھ بلکہ ملک کی عوام کے حقوق کے لئے لڑیں گے ،پاکستان کسی جنگ کے نتیجے میں نہیں مگر قائداعظم ہم علی جناح نے بات چیت اور جدجہد کرکے حاصل کیا ،مگر پاکستان بنتے ہی اسے توڑنے کی سازشیں شروع ہو گئیں جس کا نتیجہ بنگلہ دیش کی صورت میں نکلا مگر اب ایسا نہیں ہوگا ۔
ٹنڈو آدم میں پاکستان پیپلز پارٹی کے سینیٹر امام الدین شوقین کی جانب سے پاپولر فام ہاو ¿س پر منعقدہ جلسہ عام سے خطاب کرتے ہوئے کیا انہوں نے کہا کہ ان کا جھگڑا مجھ سے صرف 18 ویں آئینی ترمیم پر ڈاکہ مارنے کے لئے ہے ۔وہ کراچی سے سول ایوی ایشن کا مرکز ختم کر کے اسلام آباد لے جا رہے ہیں تاکہ نئے دفاتر بناکر کمیشن کمایا جائے ۔سول ایوی ایشن کا مرکز ختم ہو نے سے یہاں کے لوگوں کی نوکریاں بھی ختم ہو جائیں گی ۔
آصف زرداری نے کہا کہ حکمران بے وقوف ہیں اور انہیں ملک چلانا نہیں آ رہا ہے۔ ہم نے بھی ملک چلایا بجٹ پیش کئے اور ملازمین کی تنخواہوں میں 100 فیصد اضافہ کیا .ہماری سوچ عوامی ہے ہم نے گڑھی خدا بخش بھٹو کی دھرتی کی قسم کھائی ہے کہ شہید بھٹو اور شہید محترمہ بینظیر بھٹو کے نظریات پر چلیں گے
انہوں نے کہا کہ محترمہ بینظیر بھٹو کہتی تھیں کہ سندھ کا بے روزگار جب نوکری کی بات کرتا ہے تو اس کی آواز اس کے پیٹ سے نکلتی ہے۔ انہوں نے وزیر اعلیٰ سندھ سید مراد علی شاہ کی تعریف کرتے ہوئے کہا کہ یہ نوجوان وزیر اعلیٰ بہترین کام کر رہا ہے۔
انہوںنے ازراہ امذاق کہا کہ وزیر اعلیٰ سندھ دل کا کنجوس ہے کیونکہ یہ بینکر ہے اس سے جب بھی پیسے مانگتے ہیں تو یہ کہتے ہیں کہ فی الحال پیسے نہیں ہیں ۔ قبل ازیں آصف علی ذرادری نے سینیٹر امام الدین شوقین کی جانب سے قائم کئے گئے سلیمان روشن میڈیکل کالج کا افتتاح کیا انہیں کالج سے متعلق بریفنگ بھی دی گئی ۔
