اسلام آباد (ویب ڈیسک )بجلی کی تقسیم کار کمپنیوں (ڈسکوز) اور کے الیکٹرک کے یکساں ٹیرف کے حوالے سے وفاقی حکومت کی جانب سے دائر درخواست پر نیشنل الیکٹرک پاور
ریگولیٹری اتھارٹی (نیپرا) نے فیصلہ جاری کرتے ہوئے کے الیکٹرک کی مختلف کیٹگریز میں بجلی کے نرخوں میں 1 روپے 49 پیسے سے لے کر 4 روپے 45 پیسے فی یونٹ کی منظوری دے دی ہے ۔
ترجمان نیپرا نے جاری بیان میں بتایا کہ وفاقی حکومت نے کے الیکٹرک کے ٹیرف کو ڈسکوز کے ساتھ یکساں کرنے کی درخواست جمع کروائی تھی جس پر اتھارٹی نے 27 دسمبر 2022 کو وفاقی حکومت کی درخواست پر عوامی سماعت کی تھی۔ن
یپرا نے ڈسکوز کے لئے مالی سال 2021-22 کی چوتھی سہ ماہی ایڈجسٹمنٹ کی مد میں ایوریج 3 روپے 30 پیسے فی یونٹ اضافے کی منظوری دی تھی،وفاقی حکومت یکساں ٹیرف کے الیکٹرک کیلئے بھی یکساں اضافے کی منظوری چاہتی تھی ۔
یہ ایڈجسٹمنٹ اکتوبر، نومبر ، دسمبر 2022 اور جنوری 2023 میں استعمال کئے گئے یونٹ پر چارج کی جائے گی۔ یہ ایڈجسٹمنٹ جنوری سے اپریل 2023 تک 4 ماہ میں وصول کی جائے گی۔
