کوئٹہ (ویب ڈیسک ،خبر ایجنسی )جمعیت علماءاسلام کے مرکزی سیکرٹری جنرل وسینیٹر مولانا عبدالغفور حیدری نے کہا
ہے کہ عمرانی حکومت کا سورج غروب ہونے والا ہے جبکہ کچھ احمق وزراءآج بھی گالم گلوچ سے باز نہیں آتے ۔
کوئٹہ پہنچنے پر پارٹی کے کارکنوں سے بات چیت کرتے ہوئے ان کا کہنا تھا کہ نیب اپنے بیانیہ پر قائم رہتے ہوئے حکمران جماعت ہے کرپٹ وزراءکو قانون کے کٹہرے میں لاکر احتساب نہیں انتقام کے تاثر کو ختم کریں 22لاکھ سے زائد لوگوں کے گھروں کے چولہے بند کر کے آج بھی عوام سے جھوٹ کہتے ہوئے وزیر اعظم شرمندگی محسوس نہیں کرتے کہ آنے والے سال میں ملک کے عوام کو ملازمتیں فراہم کی جائے گی، جبکہ اس بیان سے کچھ دن قبل ہی بی آئی ایس پی کے لاکھوں ملازمین کو نوکریوں سے فارغ کر دیا گیا ۔ملک میں معیشت تباہ ہوچکی ہے ۔ملک کا دیوالیہ نکل چکا جبکہ حکمران عوام سے جھوٹ بول کر سب اچھا ہے کا راگ الاپ رہے ہیں۔
مولانا عبدالغفور حیدری نے کہا ہے کہ2018کے عام انتخابات میں دھاندلی کر کے پیراشوٹ کے ذریعے حکومت میں آنے والے حکمرانوں نے عوام سے جھوٹ اور دروغ گوہی کے علاقہ کوئی بھی وعدہ وفا نہیں کیا وعدہ وفا سیاسی ویژن رکھنے والی جماعتیں کرتے ہیں جو پیراشوٹ کے ذریعے حکومتوں میں آتے ہیں انہیں عوام اور ملک سے کوئی سروکار نہیں ہوتا بلکہ وہ کرپشن کرنے میں مشغول رہتے ہیں عمرانی حکومت میں شامل نالائق حکمرانوں کی وجہ سے ملکی معیشت دن بدن تباہی کے دہانے پر پہنچ رہی ہے آئے روز ملک میں صنعتیں بند ہورہی ہیں جس کی وجہ سے پرائیویٹ سیکٹر میں کام کرنے والے غریب عوام کو بے روزگاری کا سامنا کرنا پڑرہا ہے۔
وفاقی حکومت نے حال ہی مےں لاکھوں کی تعداد مےں بی آئی اےس پی سے ملازمےن کو فارغ کردےا اور حکومت کی اقتدار مےں آنے کے بعد سے اب تک لاکھوں کی تعداد مےں سرکاری اور پرائےوٹ سےکٹر ز سے ملازمےن کو فارغ کےا جاچکا ہے۔ حکمرانوں نے عوام سے جینا کابھی حق چھینتے ہوئے آئے روز غریب ملازمین کو ملازمتوں سے فارغ کرتے ہیں جبکہ میڈیا پر آکر ہمیشہ کی طرح دروغ گوہی کا سہارا لیتے ہوئے یہ اعلان کرتے ہوئے شرمندگی محسوس نہیں کرتے کہ 2020پاکستان میں ملازمتوں کا سال ثابت ہوگا۔ انہوں نے کہا کہ عمرانی حکومت کا سورج غروب ہونے والا ہے۔
