کوئٹہ: محکمہ موسمیات نے بلوچستان کے بیشتر علاقوں میں آئندہ چند روز کے دوران تیز ہواؤں اور گرج چمک کے ساتھ موسلادھار بارش کی پیشگوئی کی ہے
جس کے پیش نظر صوبے بھر میں الرٹ جاری کر دیا گیا ہے۔
محکمہ موسمیات کے مطابق بارشوں کا پہلا سلسلہ 24 سے 25 مارچ تک جاری رہے گا، جبکہ دوسرا اور زیادہ طاقتور سسٹم 27 سے 29 مارچ کے دوران اثر انداز ہونے کا امکان ہے۔ اس دوران کوئٹہ، زیارت، ژوب، چمن، پشین، لورالائی، قلعہ عبداللہ، قلعہ سیف اللہ، ہرنائی اور مستونگ میں گرج چمک کے ساتھ بارش متوقع ہے۔
صوبے کے دیگر علاقوں میں بھی بارشوں کا امکان ظاہر کیا گیا ہے جن میں خاران، خضدار، کیچ، پنجگور، آواران، گوادر، پسنی، اورماڑہ، لسبیلہ، چاغی، دالبندین، سبی، کوہلو، بارکھان، نصیرآباد اور نوشکی شامل ہیں، ساحلی پٹی پر بھی موسم ابر آلود رہنے اور بارشوں کے باعث درجہ حرارت میں نمایاں کمی متوقع ہے۔
محکمہ موسمیات نے خبردار کیا ہے کہ 25 سے 28 مارچ کے دوران شدید بارشوں کے باعث مقامی ندی نالوں میں طغیانی اور فلیش فلڈنگ کا خدشہ ہے، جبکہ تیز ہواؤں اور ممکنہ ژالہ باری سے کمزور عمارتوں اور کھڑی فصلوں کو نقصان پہنچ سکتا ہے۔
انتظامیہ اور متعلقہ اداروں کو ہنگامی صورتحال سے نمٹنے کے لیے الرٹ جاری کر دیا گیا ہے، جبکہ ضلعی حکومتوں کو ہدایت کی گئی ہے کہ وہ اپنی مشینری اور عملے کو ہر وقت تیار رکھیں،مسافروں اور سیاحوں کو غیر ضروری سفر سے گریز کرنے کا مشورہ دیا گیا ہے، خصوصاً پہاڑی اور نشیبی علاقوں میں سفر کے دوران احتیا
