سکھر(تعلیم ڈیسک)ثانوی و اعلی ثانوی تعلیمی بورڈ سکھر کے سیکریٹری کی جانب
سے جاری کردہ اعلامیہ کے مطابق تمام سرکاری تعلیمی اداروں کے ایس ایس سی پارٹ ون (نویں) اور ایچ ایس سی پارٹ ون (گیارہویں) جماعت کے تمام ریگیولر امیدواران کے انرولمنٹ فارم اور پرائیویٹ امیدواران کے رجسٹریشن فارم سندھ حکومت کی جانب سے اعلان کردہ پالیسی کے تحت بغیر کسی فیس کے وصول کرنے کی آخری تاریخ میں 31مئی 2021 تک توسیع کردی گئی ہے۔
فی فارم فیس 100 روپے مقررہ تاریخ کے بعد 500روپے جرمانہ کے طور پر چارج ہوں گے۔ اسی طرح تمام خانگی اداروں کے لئے اعلان کیا گیا ہے کہ تمام نجی تعلیمی اداروں سے وابستہ نویں اور گیارہویں جماعت کے ریگولر امیدواران کے انرولمنٹ فارم اور پرائیویٹ امیدواران کے رجسٹریشن فارم وصول کرنے کی آخری تاریخ بھی 31مئی مقرر کی گئی ہے۔