ذہنی ونفسیاتی امراض بھی حقیقت ہیں

نازش مرتضی

دس اکتوبر، کیلنڈر پر ایک عام تاریخ سہی، مگر لاکھوں خاموش چیخوں کے لیے ایک آواز، ایک پناہ گاہ اور مرہم کا دن ہے۔ یہ وہ دن ہے جب دنیا کو رک کر

ان زخموں کے بارے میں سوچنا پڑتا ہے جو جسم پر نظر تو نہیں آتے، مگر وہ روح کی گہرائیوں کو لہو لہو کر دیتے ہیں۔

ہم جسم پر پڑنے والی کسی عام خراش یا بیماری کو تو فوراً تسلیم کر لیتے ہیں مگر من کے روگ اور ذہن کی گنجلک الجھنوں کو محض "وہم" کا نام دے کر ٹال دیتے ہیں۔ اسی وہم کو حقیقتِ ثابت کرنے اور ذہنی اذیت کی چکی میں پسنے والے کروڑوں انسانوں کو یہ باور کرانے کے لیے کہ "تم اس تنہائی میں اکیلے نہیں ہو"، ہر سال 10 اکتوبر کو عالمی یومِ ذہنی صحت منایا جاتا ہے۔ اس کا آغاز 1992 میں ورلڈ فیڈریشن فار مینٹل ہیلتھ کے زیرِ سایہ ہوا تھا، اور دیکھتے ہی دیکھتے عالمی ادارہ صحت ( ڈبلیو ایچ او ) بھی اس کارِ خیر میں شریک ہو گیا۔

آج دنیا کے ڈیڑھ سو سے زائد ممالک میں یہ دن اس عہد کے ساتھ منایا جاتا ہے کہ ذہنی امراض سے جڑے اس سماجی خوف اور بدنامی کو مٹایا جا سکے، جو صدیوں سے ان امراض میں مبتلا انسانوں کو "پاگل" کا طعنہ دے کر معاشرے کے حاشیے پر دھکیلتا آیا ہے۔ ایک تاریک اندازے کے مطابق آج پوری دنیا میں ایک ارب بیس کروڑ افراد کسی نہ کسی ذہنی عارضے کی زد میں ہیں۔ ان میں انزائٹی (بے چینی) اور ڈپریشن (افسردگی) کے سائے سب سے زیادہ گہرے ہیں۔آخر یہ انزائٹی اور ڈپریشن ہیں کیا؟یہ من کی وہ کیفیت ہے جہاں انسان کے اندر اضطراب کا طوفان برپا رہتا ہےمگر باہر کی دنیا ساکت و صامت دکھائی دیتی ہے۔ بظاہر سب کچھ ٹھیک ہوتا ہے، مسکراہٹیں سجائی جاتی ہیں لیکن اندر ایک ہولناک خالی پن پھیلا ہوتا ہے۔

انسان ہجوم میں بھی خود کو یوں تنہا محسوس کرتا ہے جیسے کسی جزیرے پر قید ہو اور زندگی کا رنگ دھندلا پڑنے لگتا ہے۔اگر رُخ پاکستان کی طرف کریں تو اعداد و شمار دل دہلا دینے والے ہیں۔ یہاں کے آٹھ کروڑ افراد کسی نہ کسی ذہنی الجھن میں گرفتار ہیں جن میں ڈپریشن سرفہرست ہے۔ بالخصوص ہماری خواتین اس طوفان کا زیادہ شکار ہیں.

گھریلو تنازعات، سہے گئے ستم اور مسلسل سماجی دباؤ ان کے اعصاب کو اندر سے کھوکھلا کر رہا ہے۔ پاکستان میں ذہنی امراض کے اسباب صرف جینیاتی یا حیاتیاتی نہیں بلکہ اس مٹی کے سلگتے ہوئے سماجی مسائل ہیں۔ غربت، مہنگائی، بے روزگاری، قدرتی آفات اور معاشی و سیاسی عدم استحکام نے ہمارے نوجوان طبقے کو بھی اس دلدل میں دھکیل دیا ہے، جو براہِ راست ہماری قومی سلامتی کے لیے ایک خاموش خطرہ ہے۔

ہمارے معاشرے میں مادیت پسندی اب اس نہج پر پہنچ چکی ہے جہاں رشتوں کی خوشبو، جذبوں کی سچائی اور احساسات کی نزاکت کہیں پیچھے رہ گئی ہےاور انسان کی دوڑ صرف دھن، دولت اور ظاہری ٹھاٹھ باٹھ تک محدود ہو گئی ہے۔ اخلاقی اور مذہبی اقدار کی پامالی نے حساس اور خوددار دلوں کے لیے جینا دوبھر کر دیا ہے۔

پچھلے کچھ عرصے میں ہمارے ہاں ایسے المناک واقعات میں تیزی آئی ہے جن کے پس پردہ گہرے نفسیاتی ناسور چھپے تھے۔ ستمبر میں کراچی کے ڈاکٹر عمر اور ان کا پورا خاندان اپنے ہی فلیٹ میں اس دنیا سے کوچ کر گیا اور پانچ دن تک کسی کو کانوں کان خبر نہ ہوئی اور پھر اکتوبر کے آغاز میں آزاد کشمیر کے نوجوان طالب علم سعد احمد کھوکھر نے اپنی زندگی کی ڈور خود کاٹ دی۔ وہ سعد، جس کی ڈیجیٹل دنیا میں ہزاروں کی تعداد میں فالوونگ تھی مگر حقیقی دنیا میں اسے ایک بھی ایسا ہاتھ نہ ملا جس کا دامن تھام کر وہ کہہ سکتا کہ "یار، میں تھک گیا ہوں!.

"ڈاکٹر عمر اور سعد جیسے کتنے ہی اجلے چہرے ہمارے اردگرد موجود ہیں جو رشتوں کی اس بے قدری، انا کی دیواروں اور بے مہر رویوں پر نوحہ کناں ہیں۔ یہ المناک سانحات چیخ چیخ کر پکار رہے ہیں کہ دو وقت کی روٹی اور چھت کے ساتھ ساتھ اپنوں کا خلوص اور مرہم رکھنے والے ہاتھ بھی زندگی کی بقا کے لیے اتنے ہی لازمی ہیں۔

پاکستان میں اب ذہنی امراض محض ذاتی یا خاندانی المیے نہیں رہے بلکہ قومی معیشت کے لیے زہرِ قاتل بن چکے ہیں۔شکر ہے کہ اب ریاست کی سطح پر بھی اس سنگینی کا ادراک کیا گیا ہے۔ اسی احساس کے تحت وفاقی وزارتِ صحت نے یکم اکتوبر 2026 کو "نیشنل مینٹل ہیلتھ پالیسی 2026-2035" کا باضابطہ اجراء کیا ہے، جس کے تحت تین کروڑ چوبیس لاکھ افراد تک ذہنی صحت کی سہولیات پہنچانے کا عزم کیا گیا ہے۔

حکومت نے یہ تلخ حقیقت تسلیم کی ہے کہ ملک میں صرف پانچ فیصد افراد تک ذہنی علاج کی رسائی ہےاور چوبیس کروڑ کی اس وسیع آبادی کے لیے بمشکل پانچ سو ماہرینِ نفسیات موجود ہیں جو ہمارے نظامِ صحت کا ایک المیہ ہے۔ پالیسی کا نفاذ یقیناً ایک لائقِ تحسین قدم ہے لیکن اس کے ساتھ ساتھ ان بنیادی وجوہات کا سدِ باب بھی ناگزیر ہے جو ان بیماریوں کو جنم دیتی ہیں۔

اس سال عالمی یومِ ذہنی صحت کا مرکزی خیال نہایت معنی خیز ہے: " یعنی "سنی گئی کہانیاں، حقیقی آوازیں، حقیقی تبدیلی) اس فلسفے کی تہہ میں ایک گہرا مرہم چھپا ہے۔ اب تک ہم صرف کتابوں اور طبی ماہرین کی زبان سے بیماری کی تعریفیں سنتے آئے ہیں لیکن اس بار فیڈریشن نے پکار اٹھائی ہے کہ ہم ان لوگوں کی سنیں گے جنہوں نے اس آگ کو خود جیا ہے۔ کتابی نسخے ڈپریشن کی تعریف تو بتا سکتے ہیں مگر اس کا درد صرف وہی بیان کر سکتا ہے جو اس عذاب سے گزرا ہواور محض سن لینا کافی نہیں، ان سچی آوازوں کو سن کر پالیسیوں، علاج کے ڈھانچے اور معاشرتی رویوں میں ایک بنیادی اور حقیقی تبدیلی لانا ہوگی۔

یاد رکھیے، کسی کی بات کو دل سے سن لینا، ایک مخلص مسکراہٹ، حوصلے کا ایک جملہ یا تسلی کے دو بول کسی ڈوبتے ہوئے انسان کی زندگی بچا سکتے ہیں۔ آئیے، اس دنیا کو ایک بار پھر انسانوں کے رہنے کے قابل بنائیں۔

 

'

 

شہر شہر کی خبریں

قبال کی  شاعری نے مسلمانان برصغیر میں خود اعتمادی، بیداریِ اورفکرکاجذبہ پیدا کیا:سعدیہ راشد

 کراچی (نمائندہ رنگ نو )ہمیں علامہ اقبال اور شہید حکیم محمد سعید کی حیات سے یہ سبق ملتا ہے کہ بڑے مقاصد کے حصول کے لیے مسلسل غور و فکر اور

... مزید پڑھیے

والدین اپنے بچوں کی سرگرمیوں ا ورڈیجیٹل دنیا میں روابط پر گہری نظر رکھیں : راجا عمر خطاب

کراچی ( نمائندہ رنگ نو )کاونٹر ٹیررازم ڈپارٹمنٹ سندھ پولیس کے سابق سربراہ راجا عمر خطاب نے کہا والدین کو اپنے بچوں کی سرگرمیوں، میل جول اور

... مزید پڑھیے

طلبہ یونین کے انتخابات ہونے چاہئیں تاکہ نوجوانوں کو اپنی قیادت کو منتخب کرنے موقع ملے : محمد فاروق فرحان

کراچی(رپورٹ : عبدالمعیز ) جماعت اسلامی کے رکن سندھ اسمبلی محمد فاروق فرحان نے وفاقی اردو یونیورسٹی کے شعبہ بین الاقوامی تعلقات (آئی ) کے زیرِ

... مزید پڑھیے

تعلیم

نہم جماعت کے 20 فیصد سے کم نتائج، لاہور بورڈ کے 41 سکول سربراہان انکوائری کے لیے طلب (تعلیم)

لاہور (تعلیم ڈیسک)لاہور بورڈ میں نہم جماعت کے 20 فیصد سے کم نتائج دینے والے 41 سکول سربراہان کو تحریری جواب سمیت انکوائری کے لیے طلب کرلیا گیا ہے۔

... مزید پڑھیے

انٹرمیڈیٹ امتحانات کا آغاز، سخت حفاظتی انتظامات ،امتحانی مراکز کے اطراف میں دفعہ 144 نافذ (تعلیم)

کراچی( تعلیم ڈیسک)کراچی انٹر بورڈ کے تحت گیارہویں اور بارہویں جماعت کے سالانہ امتحانات کا آج سے باقاعدہ آغاز ہو گیا

... مزید پڑھیے

کراچی: سندھ میں نئے تعلیمی شیڈول کی منظوری، میٹرک اور انٹرمیڈیٹ امتحانات کی تاریخیں طے (تعلیم)

کراچی ( تعلیم ڈیسک )کراچی میں سندھ بھر کے تعلیمی نظام کے نئے شیڈول کی حتمی منظوری دے دی گئی جس کے تحت میٹرک کے سالانہ امتحانات 31

... مزید پڑھیے

کھیل

یشیا کپ بلائنڈ کرکٹ ٹورنامنٹ میں پاکستان نے دلچسپ مقابلے کے بعدبھارت شکست دیدی

ڈھاکہ(اسپورٹس ڈیسک )ڈھاکہ میں جاری ایشیا کپ بلائنڈ کرکٹ ٹورنامنٹ میں پاکستان نے دلچسپ مقابلے کے بعدبھارت کو ایک وکٹ سے شکست دے کر فائنل

... مزید پڑھیے

آئی سی سی کرکٹ ورلڈ کپ 2027 :ٹکٹوں کے حصول کیلئے ریکارڈ درخواستیں موصول

دبئی(اسپورٹس ڈیسک )آئی سی سی کرکٹ ورلڈ کپ 2027 کے ٹکٹوں کے حصول کیلئے ریکارڈ درخواستیں موصول ہوگئی ہیں۔

... مزید پڑھیے

ویز ے کی غلط معلومات : کرکٹر حمزہ نذر کو 2 سال کی پابندی کی سز امیں معافی مل گئی

لاہور( شوبز ڈیسک )ویزے کیلئے غلط معلومات فراہم کرنے پر 2 سالہ پابندی کا سامنا کرنے والے حمزہ نذر کو معافی مل گئی۔نجی ٹی وی کے مطابق پی سی

... مزید پڑھیے

تجارت

عالمی و مقامی مارکیٹوں میں سونے اور چاندی کی قیمتوں میں نمایاں کمی

کراچی( ویب ڈیسک ) عالمی اور مقامی سطح پر سونے اور چاندی کی قیمتوں میں کمی ریکارڈ کی گئی ہے، بین الاقوامی بلین مارکیٹ میں فی اونس

... مزید پڑھیے

نئے سال 2026 میں کل سے پٹرولیم صارفین کو بڑا ریلیف ملنے کا امکان

اسلام آباد ( ویب ڈیسک )نئے سال میں یکم جنوری 2026 سے صارفین کو پٹرول میں بڑا ریلیف ملنے کا امکان ہے،بین الاقوامی منڈی میں خام تیل کی

... مزید پڑھیے

اکتوبر 2025 کے دوران مہنگائی کی شرح ماہانہ بنیاد پر 1.83 فیصد بڑھ گئی

اسلام آباد(ویب ڈیسک،خبر ایجنسی)اکتوبر 2025 میں مہنگائی کی شرح ماہانہ بنیاد پر 1.83 فیصد بڑھ گئی۔ادارہ شماریات نے ماہانہ

... مزید پڑھیے

دنیا بھرسے

ایران ہر ممکنہ صورتِ حال سے نمٹنےکیلئے تیار ،سفارت کاری کے ذریعے مسئلہ حل کرنے کا بھی عندیہ

تہران (ویب ڈیسک ،فوٹو فائل )ایران نے ہرممکنہ صورتِ حال سے نمٹنےکیلئے یار رہنے کا اعلان کردیا ہے جبکہ سفارت کاری کے ذریعے سے

... مزید پڑھیے

ایران کے ساتھ جاری جنگ بہت جلدختم ہو جائے گی: امریکی صدر ڈونلڈ ٹرمپ

واشنگٹن ( ویب ڈیسک ،فوٹو فائل )امریکی صدر ڈونلڈ ٹرمپ نے کہا ہے کہ ایران کے ساتھ جاری جنگ ’’بہت جلد‘‘ ختم ہو جائے گی، تاہم انہوں نے جنگ کے خاتمے کیلئے کوئی

... مزید پڑھیے

امریکی حملوں میں جاں بحق افراد کا خون رائیگاں نہیں جانے دیں گے: ایرانی وزیرِ خارجہ

تہران( ویب ڈیسک ،فوٹوفائل)ایران کےوزیرِ خارجہ عباس عراقچی نے کہا ہے کہ امریکی حملوں میں جاں بحق ہونے والے شہریوں کا خون رائیگاں نہیں جانے

... مزید پڑھیے

فن و فنکار

معروف بھارتی اداکار نانا پاٹیکر کی آخری رسومات سرکاری اعزاز کے ساتھ ادا

پونا( فن وفنکارڈیسک ) معروف بھارتی اداکار نانا پاٹیکر کی آخری رسومات جمعرات کی شب مہاراشٹرا کے شہر پونا میں واقع ان کے فارم ہاؤس پر سرکاری

... مزید پڑھیے

معروف اداکارہ نیلم منیر کے ہاں بیٹے کی پیدائش

 لاہور(فن وفن کار ڈیسسک)پاکستانی شوبز انڈسٹری کی معروف اداکارہ نیلم منیر کے ہاں بیٹے کی پیدائش ہوئی ہےجس کی اطلاع ان کے شوہر کے قریبی دوست

... مزید پڑھیے

تیسری شادی کا فیصلہ میرے بیٹے نے کروایا، والدہ سخت خلاف تھیں: عتیقہ اوڈھو

کراچی (شوبز ڈیسک)پاکستانی شوبز انڈسٹری کی سینئر اداکارہ عتیقہ اوڈھو نے انکشاف کیا ہے کہ تیسری شادی کا فیصلہ کرنے میں اُن کے بیٹے نے

... مزید پڑھیے

دسترخوان

کریسپی چکن رولز

یاسمین شوکت

 

اجزاء

چکن بون لیس،اُبلااورریشہ کیاہوا،ایک کپ
اُبلےآلو،دوعدد،مسلےہوئے
ہری مرچ،دوعدد،باریک کٹی ہوئی
ہرا دھنیا، دو کھانے کے چمچ
چیڈر چیز، آدھا کپ

... مزید پڑھیے

کریمی اسٹفڈ چکن بالز

یاسمین شوکت

 

اجزاء

چکن کاقیمہ
ایک درمیانی پیاز،باریک کٹی ہوئی

دو سے تین ہری مرچیں، باریک کٹی ہوئی
ایک انڈہ

... مزید پڑھیے

چیز بھرے خستہ مرغی کے پراٹھے

 

اجزاء

مرغی کا مصالحہ بنانےکےلیے

بغیر ہڈی کاباریک کٹاہواچکن۲۵۰ گرام
ادرک لہسن کاپیسٹ ایک کھانےکاچمچ
پسی ہوئی لال مرچ ایک چائے کا چمچ

... مزید پڑھیے

بلاگ

محمد سرور شہید نشان حیدر( اول) (عصمت اسامہ)

عصمت اسامہ

مملکتِ خداداد پاکستان جس کی بنیاد کلمہء طیبہ پر رکھی گئی اور جس کی خاطر ہمارے اسلاف نے لاکھوں جانیں قربان کرکے یہ خطہء پاک حاصل کیا ،اس کی

... مزید پڑھیے

خون سستا انصاف مہنگا (نازش مرتضٰی )

  نازش مرتضٰی

کراچی کی سڑکوں پر چلتے ہوئے اب شہریوں کو صرف ٹریفک جام، ٹوٹی ہوئی سڑکوں اور دھول مٹی سے نہیں بلکہ ہولناک  موت سے بھی خوف محسوس

... مزید پڑھیے

یوم مرد۔۔۔ میرے اباجان (بلاک)

 ثروت کوثر

دنیا کا پہلا مرد جو میری زندگی میں آیا وہ میرا عظیم والد محترم ،میرا رہنما اور میرااستاد اور اپنی شخصیت میں ایک بہترین تربیت گاہ ۔۔۔۔۔

... مزید پڑھیے