افروزعنایت
امبر:سہیل ہم بکرے کی قربانی نہیں کرسکتےتوگائےمیں حصہ ڈال دیں۔
سہیل: ایک تو مجھے تمہاری سمجھ میں نہیں آتی رمضان آیا توتمہیں زکوٰۃ کی فکرلگ گئی اوراب تمہیں قربانی ۔۔۔۔۔۔۔ اس مہنگائی میں یہ سب ضروری ہے؟؟؟
امبر:(شوہر کو سمجھانے کی کوشش کرتےہوئے)سہیل ہمارے پاس اتنا سونااوررقم ہےجس پرزکوٰۃ لاگوہے۔اس کےعلاوہ زندگی کی ہر آسائش اللہ رب العزت نےعطا کی ہے۔ہم جیسے لوگوں پر قربانی بھی واجب (سہیل بیوی کی بات کاٹنے ہوئے) بس اب تمہارالیکچرشروع ہو گیا۔ ہمارے آس پاس ہم سے زیادہ عیش وآرام سےزندگی گزارنےوالوں میں سےکتنے لوگ زکوٰۃ یا قربانی وغیرہ کررہےہیں،تم نے ضد کرکے زکوٰۃ۔
امبر(معاملہ کو سلجھاتے ہوئے)میں نےکمیٹی ڈالی تھی اس مہینے میری کمیٹی نکلےگی۔رب العزت نے قربانی کے لیے خود ہی بندوبست کردیا ہے۔آپ پریشان نہ ہوں۔
سہیل:اگر تمہارے پاس رقم کا بندوبست ہوگیا تو بکراکروسب کومعلوم بھی توہوکہ ہم نے قربانی کی ہے اورعابد(بیٹا) بھی خوش ہو جائے گا _
شوہرکی بات سن کراسےانتہائی دکھ ہوا کہ یہ اعلیٰ تعلیم یافتہ جوان دین سےبالکل ناآشنا ہے۔میں اپنے بیٹے کودنیاوی تعلیم کے ساتھ ساتھ دینی تعلیم ضروردلواؤں گی لیکن شوہر کو دین کی سمجھ بوجھ ہونالازمی ہے،تاکہ وہ اور میں دونوں مل کراولاد کی صحیح تربیت کرسکیں _
مذکورہ بالا صورتحال اکثرو بیشترگھرانوں میں نظرآتی ہے،اکثرلوگوں کو یہ کہتےسن کرنہایت ہی افسوس ہوتا ہے،جب وہ یہ کہتے ہیں کہ سب ہی کا طریقہ یہی ہے،ہم نےکیا توکیا ہوگیا۔ اس طرح ایک دوسرے کی ہرس پربندہ غلطیوں اورکوتاہیوں میں مبتلا ہوتا جاٽا ہے۔
دکھاوے کی عبادت سےبندہ اپنی نیکیوں کوضائع کردیتا ہے۔صرف اس مہینے میں قربانی کے جانوروں کی جس طرح نمائش کی جاتی ہےوہ غلط روش ہے۔صرف اللہ رب العزت کی رضا کی خاطراخلاص سے کی گئی قربانی اللہ کےحضور قبولیت کا درجہ رکھتی ہےجیسا کہ سورہ العنكبوت میں باری تعالیٰ کا فرمان ہے:اللہ تعالیٰ تک نہ ان کا خون پہنچتا ہےاور نہ گوشت بلکہ اس تک تمہاری پرہیزگاری پہنچتی ہے۔
سنت ابراہیمی کی ادائیگی میں کسی بھی قسم کی ریاکاری،دکھاوے تکبروغرورسے بچ کراخلاص کےساتھ ہی اس فریضے کی ادائیگی قبولیت کادرجہ رکھتی ہے.پھرایک اورچیز جو اللہ کے زیادہ پسندیدہ ہوسکتی ہےوہ یہ کہ اس میں سےلواحقین کہ ساتھ ساتھ غرباء ومساکین کاحصہ بھی نکالیں۔ انہیں بھی اپنی خوشیوں میں شامل کریں ۔یقیناً آپ کا یہ قدم آپ کوخوشی دے گا۔
بیشک میرےرب نےیہ عیدین مسلمانوں کی خوشیوں کےتہوارکے طورپرعطا کیےہیں اورساتھ ساتھ اجروثواب حاصل کرنےکے لیے بھی۔ سبحان اللہ
ہمیں اللہ کی رضا کے مطابق یہ تہوار منانےکی توفیق حاصل ہو آمین ثم آمین یا رب العالمین