بنت خلیل
ایک عورت اپنے گھر والوں کی محبت میں دن رات کچن میں گزار سکتی ہے اپنےبچوں کی خاطر اپنا سکھ ، چین ، نیند سب کچھ وار دیتی ہے ۔۔۔
کیوں کرتی ہے وہ اتنی مشقتیں ؟؟؟
کیوں برداشت کرتی ہےاتنےبوجھ ؟؟؟
کیا وہ لالچ میں کرتی ہے میری اولاد بڑھاپےمئں میرا سہارا ہوگی۔؟؟
مجھے نہیں لگتا کہ کسی بھی ماں کو کوئی غرض ہوگی بلکہ وہ تو یہ سب محبت میں جھیلتی ہے۔۔۔وہ محبت جو اللہ نے ایک عورت کے اندر اپنی اولاد کے لیے انڈیل دی ہے ۔۔۔
ایک مرد اپنے گھر والوں کی محبت میں دن رات کھپتا ہے۔۔۔ ان کے سکھ چین کی خاطر اپنا سکھ ، چین ، اپنا وقت ، اپنی صحت سب داؤ پر لگا دیتا ہے ۔۔۔ بیوی کی ضروریات پوری کرنی ہیں ۔۔۔ بچوں کی فیس بھرنی ہے۔ماں کی دوائی لینی ہے بلکہ ضرویات کے علاوہ گھر والوں کی ناجائر و جائز خواہشات کی خاطر بغیر کسی لالچ کے وقت کی چکی میں پس کر رہ جاتا ہے۔۔۔
آخر کیوں ؟؟؟
مرد اظہار کرے نا کرے مگر وہ یہ سب گھر والوں کی محبت میں کرتا ہے ۔۔۔اب سوچنے والی بات یہ ہے ہم جورب سے محبت کے دم بھرتے نہیں تھکتے ہم اللہ کی محبت میں کیا قربان کرتے ہیں؟؟؟
کیا ہم نے اپنی انا قربان کی؟؟؟
کیا ہم نے رب کو راضی کرنے کی خاطر اپنا آپ مارا؟؟؟
کیوں ہم اللہ کی محبت میں اپنی تھوڑی سی نیند کی قربانی نہیں دے سکتے؟؟؟
ہمیں کچھ رکعات نماز بوجھل کیوں محسوس ہوتی ہیں ؟؟؟
کیا ہمیں رب سے محبت نہیں ؟؟؟
نہیں نہیں یہ کیا سوچ رہی ہوں میں اللہ اکبر ?
اللہ سے محبت ہے ہمیں مگر اتنی نہیں جتنی ہونی چاہیے دراصل ہم اللہ سے محبت کا حق ادا نہیں کر پا رہے ۔۔۔ابھی ہم بہت پیچھے ہیں ایمان کے درجے میں ان شاءاللہ ایک وقت آئے گا جب ہم اللہ کو راضی کرنے کی خاطر خوب محنت و مشقت کرنے والے بن جائیں گے ۔۔۔ ان شاءاللہ تب ہم صالحین کی فہرست میں لکھے جائیں گے ۔۔۔
مگر زبانی کلامی محبت کے دم بھرنے سے کچھ نہیں ہوگا ہمیں عمل سے اپنے آپ کو منوانا ہوگا رب کی بارگاہ میں ۔۔
عمل سے علامہ اقبال کا ایک خوبصورت شعر یاد آگیا
عمل سے زندگی بنتی ہے جنت بھی جہنم بھی
یہ خاکی اپنی فطرت میں نہ نوری ہے نہ ناری ہے
اور رہی دنیاوی محبتوں کی بات تو جب ہم رب سے محبت کے بلند درجے پر فائض ہو جائیں گے ہماری محبتیں خالصتاً رب کی خاطر ہو جائیں گی پھر ہمیں اپنے رشتوں کی دنیا و دونوں کی فکر ہوگی ۔۔۔
دنیا والوں سے محبت کرنا غلط نہیں ہے بلکہ یہ محبتیں بھی تو اللہ ہی کی دین ہیں اور ان سے محبت کرنے اور ان کی خاطر محنت و مشقت پر بھی اجر و ثواب ہے ۔۔۔
مگر یاد رہے ان محبتوں کی خاطر رب کی محبت میں کمی نہ آئے بلکہ ہم ایک دوسرے کو اللہ کے قریب کرنے والے بن جائیں تاکہ آخرت میں بھی ایک دوسرے کا ساتھ نصیب ہو۔۔۔
