مکہ مکرمہ (ویب ڈیسک ،فوٹو فائل)مسجد الحرام کے خطیب اور امام شیخ بندر بن عدالعزیزبلیلہ نے خطبہ حج میں کہا ہے کہ
بندوں کی سلامتی، ملک کے استحکام اور لوگوں کو ان کی ذمہ داریوں اور کاموں کی ادائیگی پر قادر بنانے کی کوشش کرنا بھی احسان میں داخل ہونا ہے ۔ساتھ ہی ان کے خون اور مال کی حفاظت کرنا، قوانین کی پابندی کرنا، اللہ کی نافرمانی کے علاوہ تمام معاملات میں ولا امر(حکمرانوں )کی اطاعت کرنا ہے۔
پیر کومسجد الحرام کے خطیب اور امام شیخ بندر بن عدالعزیزبلیلہ نے خطبہ حج میں کہا کہ بندوں کی سلامتی، ملک کے استحکام اور لوگوں کو ان کی ذمہ داریوں اور کاموں کی ادائیگی پر قادر بنانے کی کوشش کرنا بھی احسان میں داخل ہونا ہے۔انہوں نے کہا کہ یہ باتیں تقاضا کرتی ہیں کہ حقوق کی حفاظت کی جائے، فتنوں کے اسباب کو چھوڑا جائے، دوسروں کو تکلیف دینے کو حرام سمجھا جائے، دہشت گردی کی امداد سے روکا جائے اور زمین پر فساد پھیلانے سے منع کیا جائے۔
خادم حرمین شریفین شاہ سلمان بن عبد العزیز اور ان کے ولی عہد محمد بن سلمان احسان کرنے والوں میںہیں کہ انہوں نے حاجیوں کے معاملات کی دیکھ بھال کی، حرمین شریفین کی ذمہ داری اٹھائی، ان میں امن کی حفاظت کرنے کی اور ایسے لوگوں کو مقرر کیا جو حج اور عمرہ کرنے والوں کے ساتھ احسان کریں۔ ساتھ ہی وہ اس بات کے شدید خواہش مند ہیں کہ موسم حج کو بیماریوں کے پھیلا ﺅکی جگہ یا وباﺅں کی آماجگاہ بننے سے بچایا جائے اور صحت مند طریقے سے شعارِ حج کو قائم کیا جائے کہ بچا اور سماجی دوری کے تقاضے پورے ہوں، تاکہ جان کی حفاظت سے متعلق شریعت کے مقاصد مکمل ہوں اور پیغمبر اسلام کے اس فرمان پر عمل درآمد ہو ۔
