کراچی(ویب ڈیسک)انگلینڈ اورویلز میں جاری 12ویں کرکٹ ورلڈ کپ کے دوسرے سیمی فائل میں میزبان انگلینڈ نے
دفاعی چیمپئن آسٹریلیا کو شکست دے کر فائنل میں جگہ بنا لی۔ انگلش ٹیم نے آسٹریلیا کی جانب سے دیا گیا 224 رنز کا ہدف صرف 2 وکٹوں کے نقصان پر حاصل کرلیا۔انگلینڈ نے 1992 کے ورلڈ کپ کے بعد پہلی مرتبہ فائنل میں رسائی حاصل کی ہے۔
آسٹریلیا نے جمعرات کی صبح ایجبیسٹن کی اچھی پچ پر پہلے بیٹنگ کرنے کا فیصلہ کیا تو انگلش بولرز کرس ووکس اور جوفرا آرچر نے تباہ کن بولنگ کا مظاہرہ کرتے ہوتے صرف 15 رنز پر انگلینڈ کے تین کھلاڑی پویلین لوٹا دئیے۔ایسے میں اسٹیو اسمتھ اور ایلیکس کیری نے سنچری شراکت قائم کر کے آسٹریلیا کی امیدیں بحال کیں۔ لیکن انگلش اسپنر عادل رشید نے یکے بعد دیگرے ایلکس کیری اور مارکس سٹوائنس کو آؤٹ کر کے میچ کا پانسہ انگلینڈ کے حق میں پلٹ دیا۔آسٹریلیا کی جانب سےاسٹیو اسمتھ نے 115 گیندوں پر 85 رنز کی اچھی اننگز کھیلی۔ جبکہ کرس ووکس اور عادل رشید نے تین تین جبکہ جوفرا آرچر نے دو کھلاڑیوں کو آؤٹ کیا۔
جواب میں انگلینڈ کے اوپنرز جونی بیئرسٹو اور جیسن رائے نے 124 رنز کی شاندار شراکت قائم کی اور انگلینڈ کی فتح کو یقینی بنایا۔ جبکہ جو روٹ 49 اور اوئن مارگن 45 رنز کے ساتھ نمایاں رہے۔
اب انگلینڈ اور نیوزی لینڈ اتوار کو ٹرافی کے قبضے کی جنگ لڑیں گے، دونوں ٹیمیں ایک بار بھی عالمی کپ نہیں جیت سکیں جب کہ انگلش ٹیم 40 سال بعد اپنی سرزمین پر ورلڈکپ کا فائنل کھیلے گی۔
