کراچی(رنگ نو اسپورٹس ڈیسک )چھٹی کراچی اوپن اسکولز اور کیڈٹس نیشنل تائیکوانڈو چیمپین شپ 2025 کامیابی کے ساتھ اختتام پذیر ہوگئی
چھٹی کراچی اوپن اسکولز اور کیڈٹس نیشنل تائیکوانڈو چیمپئن شپ 25 سے 27 جنوری تک سندھ یوتھ کلب کراچی میں ہوئی۔ اس تقریب کا اہتمام سندھ تائیکوانڈو اور تائیکوانڈو کراچی نے مشترکہ طور پر کیا اور پی ٹی ایف کی زیر نگرانی اس کو شاندار کامیابی کے ساتھ منعقد کیا گیا ، تین روز کے دوران حاضرین کی جانب سے بھرپور پذیرائی ملی۔
اسکولوں کی چیمپئن شپ میں 19 اسکولوں کے 700 طلباء نےنمائندگی کی۔ یونائیٹڈ چارٹرڈ اسکول نے پہلی، امریکن اسکول نے دوسری، فاطمیہ گرلز اسکول نے تیسری، دی نیکسٹ اسکول نے چوتھی اور وہاج حسین اسکولنگ سسٹم نے پانچویں پوزیشن حاصل کی۔ بہترین نظم و ضبط کی ٹیم کی ٹرافی بیکن ہاؤس اسکول کو دی گئی۔
اسکولوں کے ایونٹ کے ممتاز مہمانوں میں کامران قریشی صدر سندھ تائیکوانڈو ، خرم خان سکریٹری سندھ تائیکوانڈو، ایم فرازعثمان صدر ٹی کے ، ماجدہ حمید ویمن ونگ صدر ، محترمہ نزہت جمال شامل تھی ۔کیڈٹس انڈر 14 نیشنل چیمپیئن شپ میں بلوچستان 2 ٹیموں، اسلام آباد ، کے پی کے ، سندھ ، حیدرآباد ، سکھر ، میرپور خاص ، لاڑکانہ، بینظیر آباد اور کراچی کے اضلاع سمیت مختلف علاقوں کی ٹیموں نے حصہ لیا۔ سندھ چیمپئنز نے پہلی پوزیشن کی ٹرافی حاصل کی۔
بلوچستان (ریڈ) دوسرے نمبر پر اور سندھ ہیروز تیسرے نمبر پر رہے۔افتتاحی تقریب کے ممتاز مہمانوں میں کاشف علی خان، سی ای او شادمان الیکٹرانکس ، سید طارق حسین نائب صدر کورنگی ایسوسی ایشن آف ٹریڈ اینڈ انڈسٹریز ، منصور میمن گروپ پرچیزمنیجر آرٹسٹکس ملنرزاور نیشنل تائیکوانڈو چیمپئن شپ کے مہمان میں سید عامر علی (کمشنر ایس آر بی)،حبیب الرحمان ڈپٹی ڈائریکٹر اسپورٹس اینڈ یوتھ افیئرز اسماعیل شاہ شامل تھے۔
ڈی ایس او ایسٹ حاجرا نواب (ڈی ایس او سینٹرل اس پروگرام کےمہمان خصوصی مسٹر عبد العلیم لاشاری (سیکریٹری اسپورٹس اینڈ یوتھ افیئر سندھ) اور مسٹر احمد علی راجپوت سیکریٹری ایس او اے تھے۔ کامران قریشی نے کہامنتظمین تمام شرکاء کوچز، تکنیکی عہدیداروں، رضاکاروں اور پاکستان اسٹیٹ آئل، ای سی ایس، وائٹل چائے ور اسپورٹس اینڈ یوتھ افیئر ڈیپارٹمنٹ کے حامیوں کا شکریہ ادا کرتے ہیں نہوں نے چیمپئن شپ کو ایک یادگار اور کامیاب ایونٹ بنانے میں حصہ لیا۔
اس پروگرام میں نوجوان ایتھلیٹوں کی صلاحیتوں اور جذبے کی نمائش کی گئی،جس نے پاکستان میں تائیکوانڈو کی بڑھتی ہوئی اہمیت کو اجاگر کیا۔ایونٹ آرگنائزر میں کامران قریشی ، ایم فراز عثمان ، خرم رشید ، فصیح الدین ، ثاقب اکرم ، جاوید خالد، نور احمد، ایم صدیق ، ایم طلہ خان ، منیزا اکرم ، مجیدا حمید ، خالدون راجہ و دیگر شامل تھے ۔
