کراچی (رنگ نوڈاٹ کام )جماعت اسلامی کے تحت ملک میں بڑھتی ہوئی مہنگائی، آئی ایم ایف کی غلامی و ظالمانہ بجٹ اورصوبے اور ملک کو سب سےزیادہ ریونیو دینے
والےشہر کراچی کو اس کےحقوق واختیارات کی عدم فراہمی کیخلاف شروع کی گئی تحریک ”کراچی کوعزت دو‘حقوق دو“ کےسلسلے میں آج اتوار30جون کو سہراب گوٹھ سے مزارقائد”کراچی عوامی مارچ“ منعقدہوگا۔
مارچ کا آغاز شام 4بجےہوگا جس سے امیر جماعت اسلامی پاکستان سینیٹر سراج الحق خصوصی خطاب کریں گے۔مارچ کی تیاریاں اورانتظامات مکمل کرلیےگئے ہیں اور روٹ کو بھی حتمی شکل دے دی گئی ہے۔
امیر جماعت اسلامی کراچی حافظ نعیم الرحمن نےکراچی کے عوام سے اپیل کی ہے کہ وہ اپنی فیملی کے ہمراہ مارچ میں بھرپور طریقےسےشریک ہوکرحکومت کی ناقص پالیسوں کےخلاف اپنےعدم اعتماد کا اظہار کریں اور”کراچی کو عزت دو، حقوق دو اور مسائل حل کرو“کی تحریک اور جدو جہد کا حصہ بنیں۔
اتمام اضلاع اور علاقوں سےشرکامقامی رہنماؤں اور ذمہ داران کی قیادت میں ریلیوں اور جلوسوں کی صورت میں سہراب گوٹھ پہنچیں گے۔
مارچ کے شرکاء جن میں خواتین، بچے، بزرگ، نوجوان،طلبہ، اساتذہ، علماء کرام،ڈاکٹرز،انجینئرز، وکلاء، صحافی، تاجراورمزدوروں سمیت مختلف شعبہ زندگی سے وابستہ افراد شامل ہوں گےجو کاروں، سوزوکیوں، گاڑیوں، بسوں اور موٹر سائیکلوں پرسوارہوں گے۔
۔ سہراب گوٹھ سے شروع ہونے والا مارچ واٹر پمپ چورنگی، عائشہ منزل، کریم آباد، حسین آباد چورنگی، غریب آباد، حسن اسکوائر، پرانی سبزی منڈی اور جیل چورنگی اور نیو ایم اے جناح روڈ سے ہوتا ہوا مزار قائد پر اختتام پذیر ہوگا۔ جہاں مرکزی قائدین شرکاء سے خطاب کریں گے۔
۔علاوہ ازیں مارچ کے روٹ پر متعدد مقامات پر مارچ کا استقبال اور شر کاء پر گل پاشی کی جائے گی۔ مارچ کے شرکاء قومی پرچم‘جماعت اسلامی کے جھنڈے اور مختلف بینرز اور پلے کارڈز اُٹھائے ہوں گے۔
۔دریں اثنامارچ کےسلسلے میں ہفتہ کو بھی شہر بھر میں اہم شاہراؤں، بڑی چورنگیوں اور متعدد اہم پبلک مقامات پر کیمپ لگائے گئے جہاں رات گئے تک سر گرمیاں جاری رہیں، کارکنان اور ذمہ داران موجود رہے اور شہریوں کو مارچ میں شر کت کی دعوت دی جاتی رہی۔ نوجوانوں میں زبردست جوش و خروش دیکھنے میں آیا۔ جے آئی یوتھ کی جانب سے ایک بڑا کیمپ حسن اسکوائر پر لگایا گیا۔موبائل پبلیسٹی کا سلسلہ بھی جاری رہا۔ عوام کی جانب سے بھی مارچ کی پذیرائی کی گئی اور لوگوں نے شر کت کی یقین دہانی کرائی۔
