
اسلام آباد(ویب ڈیسک ،خبر ایجنسی)حکومت کی طرف
سے پاکستان ڈیموکریٹک موومنٹ کے سربراہ مولانا فضل الرحمن پر بھارتی اور برطانوی خفیہ اداروں سے رابطوں کا سنگین الزام عائد کر دیا گیا ہے۔حکومت نے سربراہ اپوزیشن اتحاد پر شیعہ سنی فسادات کے لیے فنڈز حاصل کرنے کا الزام بھی عائد کیا ہے اور دعوی کیا گیا ہے کہ اس سے شواہد موجود ہیں۔اپوزیشن سے باقاعدہ مذاکرات کے لیے کوئی رابطہ نہیں کیا گیا۔
اس امر کا اظہار وفاقی وزیر امور کشمیر گلگت بلتستان علی امین گنڈا پور نے جمعہ کی شام وفاقی وزیر اطلاعات و نشریات سینیٹر شبلی فراز کے ہمراہ پی آئی ڈی اسلام آباد میں پریس کانفرنس کرتے ہوئے کیا۔علی امین گنڈا پور نے کہا کہ ان کے پاس سربراہ پی ڈی ایم مولانا فضل الرحمن کی اربوں روپے کی بے نامی جائیدادوں کے ثبوت بھی آ گئے ہیں۔چوروں کا سردار اے پی ڈی ایم کا سربراہ بن گیا ہے۔جلسوں کے حوالے سے بھی انہوں نے پی ڈی ایم شامل جماعتوں سے جو اربوں روپے لیے اس کی کہانی الگ ہے مولانا فضل الرحمن کو چیلنج کرتا ہوں کہ مجھے عدالت لے کر جائیں۔الزام ثابت کروں گا۔
مولانا فضل الرحمن سے چار سوالات ہیں کہ انہوں نے برطانوی سیکیورٹی ادارے ایم آئی سکس سے کیوں رابطے کیے ؟اس کی وجہ کیا تھا؟ کس بنیاد پر اور کیا بات چیت ہوئی؟مولانا فضل الرحمن نے بھارتی نیشنل سیکیورٹی ایڈوائزر سے کیوں میٹنگ کی جس میں جے یو آئی ہند کے سربراہ مولانا محمود احمد مدنی بھی موجود تھے اس میں کیا بات چیت ہوئی۔آزادی مارچ کے وقت بھی اس کے عالمی سطح پر رابطے تھے اور مسئلہ کشمیر کو نقصان پہنچایا گیا۔علی امین گنڈا پور نے مولانا فضل الرحمن پر یہ بھی سنگین الزام عائد کیا کہ یہ فرقہ واریت کی گھنا¶نی سازش میں ملوث ہے فنڈنگ ہوئی شیعہ سنی فسادات کا حصہ رہا اور 13 دسمبر(آج) کو جلسے میں ان سوالات کا جواب دے۔
انہوں نے کہا کہ اپوزیشن والے شروع سے سلیکٹڈ حکومت اور دھاندلی کی الزام تراشی کررہے ہیں مگر میں انہیں بتانا چاہتا ہوں کہ مہنگائی کے ان کے بیانیہ کے باوجود جس پر ہم قابو پا چکے ہیں اپوزیشن کو گلگت بلتستان میں بدترین شکست ہوئی اپوزیشن جماعتوں کا ان انتخابات میں بدترین حشر ہوا ان کو اعتراض ہے تو الیکشن کمیشن کے پاس کیوں نہیں جاتے ہم ہر حلقہ کھلوانے کے لیے تیار ہیں مولانا فضل الرحمن کو ڈیرہ اسماعیل خان کی نشست پر دوبارہ انتخاب کا چیلنج کرتا ہوں میرے الزامات سیاسی حریف کی وجہ سے نہیں ہیں بالکل ہر موقع پر مولانا فضل الرحمن کے بین الاقوامی قوتوں سے رابطے رہے اربوں روپے کی بے نامی جائیدادوں کے لیے تحریری ثبوت میڈیا کو قوم کو دکھانے چاہیں۔
شبلی فراز کا کہنا تھا کہ ان کے ساتھ گلگت بلتستان میں جو کچھ ہوا وہ ان کو پتہ ہے، دو سال تک چپ رہے، مختلف طریقوں سے ہم سے رابطہ کیا اور دبا ڈالا کہ ان کے کرپشن پر کیسے این آر او دیں۔ان کا کہنا تھا کہ ایف اے ٹی ایف کے بعد ان کو یقین ہوگیا کہ جتھے لے کر جلسے کرکے اور گالیاں دے کر ایسا ماحول پیدا کریں اور لوگوں کو مجبور کر رہے ہیں کہ وہ استعفے دیں۔انہوں نے کہا کہ یہ کہنا کہ ہمارے ساتھ کوئی رابطے میں ہیں یہ جھوٹ ہے بلکہ اپنے لیے راستہ مانگ رہے ہیں، اگر انہیں راستہ چاہیے تو ہم دیں گے لیکن عمران خان این آر او کبھی نہیں دے گا۔اپوزیشن سے متعلق بات کرتے ہوئے انہوں نے کہا کہ ان کی جو ذہنی کیفیت ہے، اس سے یہ ظاہر ہوتا ہے کہ یہ آر پار کی باتیں کر رہے ہیں، اس سے لگتا ہے کہ ان کی سیاست ہمیشہ کے لیے دفن ہونے والی ہے اور خود کو بند گلی میں لے آئے ہیں۔انہوں نے کہا کہ استعفوں کا ڈھونگ رچایا ہوا ہے، بالکل استعفے دیں، ہم پر کوئی دبا و¿نہیں ہے، دکھاوا نہ کریں صحیح طریقے سے دیں، کاغذ جمع ہوگئے ہیں اور زیادہ سے زیادہ 160 کاغذ کا کیا انبار ہوگا۔




































